الأخت الكريمة:
على ايامنا كانوا يعملوا فرز بمعنى الي شهادته ثانوية قسم علمي او صناعية بيكون فني والي شهادته ادبي او تجاري بيكون اداري وعلى ايامنا قفلوا القسم الاداري بس احب اوضح لك انه توجه الشركة توظييف الفنيين بشكل اكبر واحب اوضح لك بعض النقاط بالنسبة للتدريب المنتهي بالتوظيف
1_المكافأة بتكوون مابين 1800 لي 2000 طول فترة التدريب
2_بيكون له علاج لوحده طول فترة التدريب
3_ممكن تدريبه مايكون بجدة ممكن يكون بقسم التدريب التابع لابها او الشرقية بالخبر او الدمام او الرياض
4_تعيينه يكون بالمنطقة الغربية مو لازم بجدة يعني ممكن مكة جدة رابغ ينبع المدينة
5_في شرط جزائي يمعنى اذا اخوك وافق بالتريب ومثلا عدت سنة وجاء له عرض ثاني وحب يبطل هو ملزم يدفع جميع المبالغ الي دفعتها له الشركة ومايسلموا له اوراقه الرسمية الي وقت مايدفعها وطبعا لازم يكون له كفيل
هذا يااختي الي افتكره وربي يعيينك واتمنى قدرت اساعدك
على فكرة الاخوان ذكروا حاجة مهمة وهي اذا كان له رغبة بالدراسة او لا فخليه يشوف الأنسب له وربي يوفقه
هاذي نبذة على الراتب اذا اتعين إن شاء الله بعد التريب
4200 راتب 500 بدل نقل 1250 بدل سكن مجموعهم 5950 قبل خصم التامينات
اما اذا كان عمله يعمل بنظام الورديات فله زيادة 15 % وطبعا حيكون مدة عمله 7 ايام وحيكون راتبه 6580 قبل خصم التامينات
وربي يكتب له الخير إن شاء الله