[حنين الود]

المشاركة الأصلية كتبت بواسطة عبدالله بن عبدالرحمن وبصراحة ياأخوان انا ضد مبدأ التراجع مهما كان الثمن ولكن لكل من يرغب السفر فلا بد من المأونة وهنا تكون الخبرة الجيدة والرصيد المعرفى الخزون اخوانى انا لا املك خبرة سابقة فى اللغة مع العلم بأنة وفى سنوات دراستى سابقا درست مواد بالانجليزية وبدون كلمة عربي ولكن كانت فى مجال التمريض البحت يعنى لا قرمر ولا شي فقط جملة تضع فيها المصطلح الطبي المراد والدكتور سيفهمها ويعطيك درجة الاجتياز وكانو متسااااااااااااااااااااهلين معنا فى هالمادتين لابعد الحدود اطلت عليكم ولكن اريد ان امهد لكم الطريق لتحكمو على قبل بدأ الدراسة ولاستفيد من خبرتكم ولا شك بأن الكثير من الزملاء تراودهم نفس الاسئلة التى اتداولها مع نفسي دائما. عندما اقرأ ملخصات الاخ القدير وفقة اللة الاكسبيرت احس بنوع من الخمول فى جفونى وبالرعشة فى اناملى لهول ماأقرأة واكاد ان افهم فقط ربع كل سطر والباقى الله يخلف لعدم مرور هذى الكلمات على مسبقا :) فالسؤال الموجه للاخ الاكسبيرت وللمشرفين هنا ولكل من اجتازو المستويات المتقدمة " انتساب " الجزأية فقط هل لديكم خبرات سابقة .؟ واسال الله لنا ولكم ولكل الزملاء فى هذا المنتدي التوفيق والنجاح فى الدنيا والاخرة اخوكم-عبدالله

السلام عليكم ورحمة الله وبركآته ..
الأدب الإنجليزي مآله دخل تعرف إنجليزي والا ماتعرف ..طبعآ لمآ تكون تعرف حيكون أسهل ..إحنا لمآ كنآ ندرس العصر الجاهلي في الأدب العربي كنآ نفهم إيش بيقولوآ ؟؟ نفهم كل كلمآتهم ؟؟ ندرسها دراسه عشان نفهم معنى كل كلمة ..هل اللغة العربيه فآدتنآ إنو نفهم معآني الكلمآت ؟؟ ممكن تكون الكلمة نعرفها بس مانعرف معنآهآ في القصيده نفسها ..هوآ كدآ الأدب ..

يعني شيل الخوف والوسآوس من رآسك دي حترجعك لورآ شد حيلك وإعمل بالأسباب ..إنتآ خلآص إتخذت القرآر ودخلت القسم ترجع تفكر حيكون صعب ولا لأ؟؟ يعني إنتآ قآعد ترجع لورآ وتفكيرك منصب على قرارك إلي إنتآ سبق وقررتوآ وهل هوآ صح أو لا مع إنو المرحلة دي المفروض إنك عديتها..

إنتآ دحين المفروض تفكر في الموآد في الخطه الدرآسيه تفكر في الموآد الحره إلي حتآخدهآ عشآن ترفع المعدل ..تفكر كيف تطور نفسك في الإنجلش يعني إيش الطريقه الأنسب لتعلم الإنجلش ..قرآءه أو إستمآع ..أو كتآبه تقيس مستوآك وبعدين تحآول تتدرب وتطورو ...تفكر إيش هيآ الروآيآت الي بيدرسوهآ في القسم يصير في أوقآت فرآغك تتفرج على أفلآمهآ تتسلى عليها تآخذ فكره عنهآ ..تجمع ملخصآت تفيدك في القسم مثلا روح قسم الملخصآت وإجمع ملخصآت وإبحث في القسم كله عن المناهج والمرآجع والملخصآت رتبها في ملف ..كل ماصعب عليك حاجه ترجع لهآ ..أو إحفظ روآبط الموآضيع الي تفيدك في المفضلة ..حآول تبحث عن طلاب متميزين تستعير كتبهم أو تشتريها منهم عشآن تفيدك في المذآكره ..والكلام حيطوووووول ..



ومن نآحيه الخلفيه عن اللغة الإنجليزيه مثلا المثآل أنا كآنت عندي خلفيه طيبه عن الإنجلش وأحب الإنجلش .. ووآجهت صعوبآت في القسم ..بس أختي مآعندها خلفيه كويسه ومآتحبو يعني عآدي مايفرق معاها زيو زي أي قسم تآني دخلت قسم ومآعجبهآ حولت على الإنجليزي ..وماشيه في القسم أفضل مني ..ودرجآتهآ أفضل مني لأنها إستفآدت من تجربتي وتجارب غيرها لأنها عآرفه إيش هوآ المنهج ..عآرفه مين الدكتورآت وكيف أسلوبهم في التدريس ..مين الكويسات ومين الي بيصعبوآ الموآد ..وهكذآ ..


نجي للكلآم إلي بالأحمر ..مآشآء الله إنتآ تخلي النآس هيآ إلي تحكم عليك ليه ؟؟ طيب لو أحد قالك ماحتمشي في القسم والقسم صعب وكل الناس بيرسبوآ ويحملوآ موآد وينزل معدلهم وأنصحك ماتتورط زيي ..حتسمع وتتأثر بالكلام دآ ..وتخف عزيمتك ويجيك إحبآط .. ( قريبآ إن شاء الله نشوف حل مع الردود المماثله )
طيب الي مآ نآسبهم القسم وتورطوآ فيه يقدروآ يلحقوآ على نفسهم ويروحوآ قسم تآني ليش يعني همآ يتخرجوآ من قسم صعب زي الإنجليزي ويآخدوآ الشهاده بعد تعب وعنآء وجد وإجتهاد وتعب نفسي ..ويبغوآ النآس يرتآحوآ ويآخدوآ شهآدآت بسهولة ؟؟مو الأولى بالنفع أنفسهم قبل الآخرين ؟؟
نصيحه لآتسمع نصآئح العقول المظلمة المتشآئمة شدوآ حيلكم وفكروآ لقدآآآآم ..
بالتوفيق..