الموضوع ما يحتاج فلسفه ولا بتكلم فصحى عشان اكتب براحتي لان شغلك كمتدرب مهو فلسفه وكلام منمق الكلام هذا خله اذا صرت محامي اما حاليا شوف وش تسوي , المهم انا طبعا واعوذ بالله من كلمة انا لي سنتين متدرب وانا ادرس وتخرجت, طيب اولا نصيحه الي يقدر يتدرب من هو يدرس احسن له , طبعا قلبي معك والله اذا ما تعرف احد يدربك بتقط وجهك على عالم يعني ابوك يعرف حضرة المحامي ولا عمك يعرف الشخص الي يعرف شخص يعرف محامي زي حالتي قبل سنتين انطردت من خمس مكاتب لاني ما اعرف احد يشغلني كل مكتب بطريقته فيه الي باسلوب وفيه الي طوووووط, طبعا مرات اعذرهم طالب ويبغى يشتغل , بس يمديك خل دوامك بعد الظهر واشتغل , وراح تشوف الدراسه وين والشغل وين ,المهم نفرض انك طالب ورحت تشتغل اول شي قبل تروح وقبل تسوي اي شي خذ سيارتك وعبيها فل ولف بجده واحفظ اماكن الدوائر الحكوميه حتى مكافحة التسول احفظها لانه بيسألك وين ووين ووين , طيب حفظت وينها حلو , البس شماغك وملفك ودور ,ولا معليش في ناس ما بتلف على المكتب على طول ومحدد له كل شي قبل يروح المكتب طيب خلينا على الي زي حالتي ,رحت المكتب طبعا لا يغرك المكتب الي مو فخم ولا فخم لان بعضهم مكتبه كانه شقة بنقاله يمررون مكالمات وعنده قضايا وتتعلم منه احسن من الي مكتبه بالتحليه , طيب دخلت المكتب , اوه نسيت طبعا عادة يعطونك موعد تجيه بعدين وخذ لطعات تجيه يقلك لا تعال بكره تجيه يقلك مشغول تعالي بعده , تجيه ما تلقاه يقلك السكرتير سافر , هو الموضوع كله اختبار لانهم بيني وبينكم طفشو من العالم الي تجي شوي وتمشي , ابشرك قابلته الف مبروك طبعا هذا كله وانت ماجيته من طرف احد , طبعا لا تتوقع انه بيقلك كم جبت في مادة اوراق تجاريه a ولا a+. طبعا بيحاول يشردك , بيسألك زي ما قلتلك وين الاماكن وكل شي ,طيب انت اول يوم لك شغال تتوقع بيقلك تعال خذ وكالة الشربتلي وترافع في قضية بقيمة 20 مليون , اول شي بتسويه مراسل روح المحكمه العامه شف وش صار بالقضيه الفلانيه , روح المكان الفلاني شوف وش صار فيه روح وزارة التجاره وهو بيني وبينك يبغالك تحط ببالك انك جاي تتعلم منت جاي تنشي شماغك وتترزز , طيب فاذا ارسلك اماكن زي كذا وبتحسها شغلات جدا تافهه مي بقدر الدراسه حقتنا, اصبر وصابر اكيد في الاول بتطفش وانا معك وهم بيحاولون يطفشونك ((كل هذا اذا انت مو من طرف احد)) , ملاحظ انكم ما تكلمتو في الفلوس ولا تتكلم انت جاي تتعلم ومنت خريج بنجي للخريج بعد شوي ,طيب ياخي لي شهر وانا شغال مراسل روح شوف روح افعل مافي شي يستاهل , تدري مراسلتك هذي تعرف على ناس بالدوائر والمحاكم وتعرفك اختصاص كل اداره او جهه بالمحاكم او الوزارات ,وشوف اي مكان تروحه خذ جميع الاستمارات عندهم من طلبات تسجيل علامه تجاريه ونموذجها الى طلب من رئيس المحكمه وحطها بملف لك وكل شي تسويه اكتبه عشان لا تنسى , ومراسلتلك هذه تعرفك المكان الفلاني من الي بيده الحل والربط ,فاصبر وحط ببالك محد بيجيك ويعلمك اذا ما سألت , طيب انت تسوي شغلاتك الصباح ولا قبل الظهر اكيد بترجع المكتب انت الحين تعلمت اجراءات بسيطه صح, طيب ارجع المكتب وامسك القضايا الي موجوده اقراها شوف كيف تبدا وكيف تنتهي للحكم انت تعلمت شي بسيط من العمل الميداني , وجزء نظري في القضايا مابتتعلمه في الكتب ,طيب يا صديقي القانوني اقرأ القضايا واقرأ, تغلط وانت باقي طالب احسن من تغلط بعد ما تتخرج عندك عذر انك ما تخرجت , وبين للبووس حقك انك مهتم , مرت شهرين ابو الروتين الي كذا , بيحس المحامي والله الولد ذا كويس مهتم تعال يا ((بوتقة )) خذ 1000 هذي حقت البنزين والاتصالات الشهرين الي راحت بوسها وحطها بجيبك , الحين روح عنده قله يا باشا محامي بحضر معك جلسات , ايه الحين اطلب مو بعد توصل باسبوع يكون عندك خلفيه اصلا كيف صك الحكم كيف النظام بالجلسه حسب قرائتك واماكن القضاة والموظفين بمكتبه ,اووووه يالموظفين بمكاتب الشيوخ هذا خااوه خلك صديقه بزبطك باشياء اجراءات يمديه يعقدها عليك , ونصيحه لا تكلم احد بمكان حكومي من محكمه او وزاره او اي شخص باسلوب تكبر او قرف خلك حبيب مع العالم لانه شغلك كله معهم فحسن اخلاقك وقط من ذا النكت السامجه وتمسكن لين تتمكن,طيب لا نطول بكلام وانت تدرس تلخيصا لكلام الي اول كله تخرجت ومعك شهادة التخرج تسجل نفسك وزارة العدل انك شغال بالمكتب طبعا تحسب المده من بعد تخرجك مو من قبل بس تعال تفررق انت خبره لك فتره متدرب ,يعني الي مفروض تستلمه 3 الاف بعد تتخرج لا الحين اطلب 10 الاف معك خبره واكيد انك توكلت عن ناس خلال فترتك السابقه وعندك خبرة ترافع , وعلى طاري الترافع ترا مادة مرافعات مهمه جدا جدا ,والنظام بمكتب الشيخ ما هو حضرة القاضي وسيادتك وكلام .معظم الجلسه سلم واستلم اوراق مذكره جوابيه ومذكره جوابيه على المذكره الجوابيه وانتظر اجيب الرد الجلسه الجايه وكذا وتتكلم اذا سألك سماحته قدس سره ,طيب انا شكلي طولت اوووووه نسيت ((ياكثر ما تنسى)) مو اقلكم لا تشدون حيلكم ولا شي بس ولا احد قد سألني عن معدلي وانصح كل شخص بيتدرب يشتري جزمه وانتم بكرامه نايكي بيضا عشان الثوب وينطلق في ارجاء الدوائر الحكوميه , طبعا في عالم ما بيعجبهم كلامي ويقولون ((يااخ بوتقة انا اعتب عليك في نقطة التدريب لان بلورة الحديث بشكل انبثاقي...الخ)) ,هذا العلم يا اصدقائي القانونين يمكن اكون قصرت ويمكن اكون خلطت , بس هذا الي صاير حسب ما شفت. وانا كتبت الموضوع لاني ما شفت او انه موجود بس ماشفته موضوع يتكلم عن موضوع كذا ,الموضوع مو مرتب لاني كاتبه وانا مندفع الى ان افيد اصدقائي القانونيون, والله يوفقكم جميعا والسلام ختام
. ((بوتقة الذات اللمفاويه))