[نجوى عبدالله]

السلام عليكم والرحمة

كيفكم بنات شباب

وكيف رمضان يالا دخلنا الاعشرة الاواخر اسأل الله ان يوفقنا لمى يحبه ويرضاه ويغفرلنا يارب

المهم يا جماعة انا عندي سؤال

اول ماسجلت طبعا انا علمي درست التحضيري بالبغدادية

والسنة اللي بعدها اتخصصت علوم أحياء عام ودرستو بالفيصليه

وقدمت تحويل وانقبلت ولله الحمد يعني انا سنة تالت دحين أحياء

ومعدلي 4 وكاتبينلي بالاودس طالبة محولة من كلية لأخرى

المهم رسلت صحبتي اللي آآخده صيفي تسألي بالعمادة انو كيف اسوي اجي انقل ملفي واخلص اموري

وكدا قالتلها خليها تجي لمن يبدأ الدوام ودا تقريبا كان بداية الصيفي

وما رحت وجلست الى اليوم دا

طيب سؤالي

دحين الجامعة عندها مواعيد للسنه التحضيرية واجتماعات وكدا

وجاني ايميل انو عندهم تاريخ 10 اظن للعلمي ولا 11 نسيت والله

وتاريخ 12/10 اللي يوافق التلوت برضو للادبي والانتساب

طبعا دا كلو قبل الدوام بأسبوع

ف اللي عندو خبرة ايش رايكم اروح واسأل يعني يمكن يوافقو انقل الملف بدي الفترة يعني وقت الدراسة افضى اشوف الجامعة والجدول
وكمان محد فاضيلي يوديني ويجيبني

والسؤال التاني والله وحدة من صحباتي تقوللي اسأليهم يعني انا احياء وقدمت تحويل وكل شي

اقدر اقلهم ابغى انقل علوم طبية تطبيقية >> ولا بيسوللي كذا

لأنو معدلي عالي بس خايفة من الفشة بصراحة وتضحك عليا الحرمة لأنو

عندي خال كان علوم ودحين هوا هندسة واتخرج

بس كان الهرج من سنين مدري اللي عندها علم ولا شي تشجعني عشان يعني اتحمس والله مرة نفسي