الأخت الكريمة:
ردوا علي الزملاء وقالوا تشغييل الشبكة الكهربائية ينقسم لعدة اقسام منها تشغييل الشيكة الخاص بالنقل ومنها تشغييل الشبكة الخاص بالتوزيع ومنها طبعا تتفرع عدة فروع وماحيبان الى اذا اخوك جاء على راس العمل و80% من هاذي الأقسام يكون نظام العمل فيها نظام ورديات والعمل بيكون ميداني بشكل كبيير وطبعا حيكون فيه يوم اسود ويوم ابيض .
بالنسبة لموضوع الخطر يااختي فكلنا كبشر معرضيين له سواء كنت بالعمل او البيت او اي مكان فدعي الأمر لصاحب الأمر وادعيه انه يحفظنا واياك والمسلمين من كل سوء ولازم يااختي بما انه فني كهربائي يكون له اتصال مع الكهرباء بشكل مباشر
بالنسبة لموضوع التحويل فكل شي راجع لادارته بشكل عام يعني لو علاقاته مع المدراء جيدة يقدر ياخذ الي يبغاه وبمعنى اوضح لو كان عندكم واسطة يقدر ياخذ راتبه وهو جالس في بيته مو بس يحول
على فكرة اذا كان اخوك مريض بالقلب فخليه لا يظهر هذا االمرض حاليا او يقول لأي احد لانه ممكن يعمل له مشاكل.
في نقطة احب اوضحها لك كمان بخصوص المرض وهي( بعد الترسيم) (بعد الترسييم)(بعد الترسييم) بمعنى اذا اخوك صار موظف رسمي وماعجبه الوضع بقسمه يقدر يجييب تقرير مرضي من مستشفى حكومي او مستشقى خاص تابع للشركة يذكر فيه انه مايقدر على العمل الميداني ويطلب استرحام في هاذي الحالة الشركة لها القدرة انه تحولوا لموظف اداري يعني على مكتب وبتكون رب ضارة نافعة.
ياريت تتذكري اني بشر اخطا و اصيب فسامحيني اذا اعطيتك معلومة ممكن انا كنت فاهمها خطا او نقلت لي بشكل خاطئ وربي يكتبله التوفيق والنجاح وللجميع إن شاء الله....لاتنسي تخليه ينتسب للجامعة بدري
