[احساس]

انا بقولكم تجربتي

بس امانه تدعون لي الله يحقق امالي

المهم انا قدمت تحويل عن طريق النت وقدمت معامله عن طريق الاوديوس
وقبل الدراسه تم قبولي تغير مسماي من انتساب مدفوع الى انتظام محول من انتساب مدفوع
ورحت راجعتهم اول اسبوع دراسه ماني فاكره والله بس بدري
اول شيء بدلت البطاقه طلبو مني اوراق اللي هي نفس الكشف الطبي + ورقه اجيبها من مبني خدمه المجتمع بس كلها سويتها في الجامعه اصلا بتلاقون بنات محولين وبتتساعدون
وطلعت لي بطاقه صراف بعد شهر
حولت بعد ترمين والترم الثالث اللي هو التخصص كنت طالبه علم نفس وخصصوني فيه
بعدين سمعت من البنات انه شالو التخصصات عننا ومافي الا اقسام محدوده عربي - جغرافيا -تاريخ - مكتبات
وتاكدت من هذا الخبر حاولت اتخصص علم نفس قالوا مافي مقفلين مالكم الا هذي التخصصات اختاروا منها
واخترت جغرافيا ودموعي اربع اربع بس الحمدلله على كل حال بعد ترم حولت لعلم نفس ومواد الجغرافيا اللي درستها كلها تعادلت لي مواد حره الحمدلله والشكر ماعاد ماده زياده

مو اللي صارلي لازم يصير لكم لا بالعكس النظام ترم عن ترم يفرررق وكل وحده ونصيبها سبحان الله
بس اللي بتمر بنفس تجربتي انصحها اذا تخصصت في تخصص ناويه تغيره تاخذ المواد اللي ممكن تنحسب لها مواد حره
يعني اي وحده من اي قسم ثاني غير قسمها ممكن تدرسها

ووحده من صديقاتي معدلها كان 3.60 وشيء مااتذكر بالضبط بس ماجابت 3.75
وابوها راح لعميد الكليه وهو جدا متعاون وطيب وحولها قبل الدراسه طبعا راجعهم

ويارب تحولون كلكم انتظام وفي التخصصات اللي حابينها واللي لكم خير فيها