[MeeNo92]

mdmr

حبيبتي انتي جاية لموضوع كلو بناات خلاص معظمهم سجلو بالسكن

تتوقعي انو احنا مو نفسنا نروح سكن خااص ؟ يعني اكيييد اي احد راح يفضل سكن خاص على سكن حكومي

بس مو كلنا نقدر نروح سكن خاص

أنا عن نفسي ابويا قلي جربي ترم .. أن عجبك , قعدتي فيه , لو ما عجبك نوديكي سكن خاص , اسمها تكوني جربتي

وهذي اهم نقطة انا راح اطبقها هالسنة .. ما راح اخذ بكلام الناس , راح اجرب بنفسي اول , في كللللل شي مو بس امور السكن

وبعدين اقرر

والله فاهمة انك بتحاولي تساعدينا .. لكن للناس اللي ما تقدر تدخل سكن خاص, انتي قاعدة تحطميهم وتخوفيهم

الإنسان لما يجي داخل على شي جديد , اذا احد قعد يقلو مو كويس مو كويس مو كويس والله يعينك , لا شعوريا , حتى لو هوا اساسا كان باستطاعتو انو يتحملو , ما راااح يقدر يتحملو , راح يظل يتذكر اللي قعد يقلو بعد عن هالشي ..

اما اذا الشخص رااح بنفسية كويسة , واخذ كل شي من ناحية ايجابية , راح يتأقلم على الوضع احسن من اللي كان داخل بنظرة سوداوية ..

زي القصة اللي دايما كانو يقولولنا هيا الأبلات في المدرسة .. جابو فصليين مستوى الطلاب فيهم نفس الشي .. دخلو على فصل وقالولولهم انو بنعطيكم اختباار صعب موووووووووت ومرة قلييييل اللي قدرو يجتازووه وشي شي مو طبيعي ..

ودخلو على الفصل الثاني قالولهم انو بنعطيكم اختبار سهل مرررررررررة موية محد ما قدر يجتازو ..

طبعا اللي صار انو الفصل الثاني جابو درجاات عااالية في الإختبار , والفصل الأول زففففتو مرة

هذي حالتنا احنا دحين ..

آآسفة على الإطاالة بس حبيت اوضح وجهة نظري..