انا مابي حياتي ذل ولا ابي عيشتي مقهور
تخليني كذا وحدي حزين وخاطري مكسور
اناديلك.. واناديلك..ولا فكرت تسمعني
ابد ماجاء على بالي تعاملني بدون شعور
تحسب اني على كيفك تبعثرني وتجمعني
اذا انك كنت ما تقدر بهالجفا مجبور
امانه.. لا تعاودني وصالك ثم تقطعني
صحيح اني معي جمله تلف بخاطري وتدور
وربي ودي انطقها وقلبي ما يطاوعني
وعشان ارتاح بتكلم بلا احم بلا دستور
تجي سمحه تجي عوجه على الله يامعذبني
اذا هلت لك لغيري وصرت بدنيتك محشور
تبي الفرقا ولا ودك تواجهني وتوجعني
دخيل الله اكشف المستور
وقول ابعد عن دروبي ولاهو شرط تقنعني
وانا بوعدك ما يبقى لظلامك من شعاعي نور
ابرحل عن سماك ولا ابي حتى توادعني
وابكتب فوق قلبي مات هالطيب وهو مغدور
وساعتها كنوز الارض والله ما ترجعني
انا مابي حياتي ذل ولا ابي عيشتي مقهور
ولا بي غير عزه نفسي بوقت الجد تنفعني
ويكفي رضا ربي علي من الخطا والزور
ويكفي غلى ناس برمش العين ترفعني ..
التعديل الأخير تم بواسطة راما666 ; 04-09-2010 الساعة 09:53 PM.
|