[فندام]

والله ياأخت منى اعتقد انو من من الخير لكم انكم تكملو الدكتوراه بالمملكة بجامعة الملك سعود لعدة أسباب منها
1- أنو الغربة حتكون صعبة جدا عليكم واحنا هنا بنتكلم عن فترة 6 سنوات بحالها يعني مو سنتين او ثلاثه وهذي مدة طويلة والإ بتعاد عن الوطن والأهل كل هذي المدة ماحيكون سهل ابدا.
2- الشي الثاني والمهم جدا هو أنو جامعة الملك سعود تعتبر ثاني افضل جامعة على مستوى المملكة وايضا صنفت كثاني او ثالث افضل جامعة على مستوى العالم العربي على مأ أذكر واحتلت المرتبة 292 على مستوى جامعات العالم حسب التصنيف الأسباني .
3- الدكتوراه الي تمنحها جامعة الملك سعود ماأعتقد انها تقل عن الدكتوراه الي حتمنها الجامعة الكندية يعني لما تجو تتوضفو ماحيفرقو بين الدكتوراه تبع جامعة الملك سعود وبين الدكتوراه الصادر من الجامعة الكندية حيكون لهم نفس التصنيف .
4- انت ذكرتي انكم حتغيرو التخصص لو قدمتم على الجامعة الكندية وحتقدمو على تخصص حاسب الي وهذي نقطة تستحق الوقوف عندها انت ماذكرتي ايش كان تخصصكم بمرحلة الماجستير وهل هو قريب من تخصص الحاسب الالي او لا ؟ لانو زي مافو معروف كل علم او تخصص لو مبادئ واساسيات تمثل العمود الفقري لهذا العلم او التخصص والطاب في مرحلة الدراسات العليا لازم يكون ملم وعلى دراية كاملة بمبادئ واساسيات هذا التخصص والي بيتدرس في مرحلة البكالريوس عشان بعد كدا يقدر يكمل مسيرته العلمية بالدراسات العليا وهوعلى أرضيه صلبة لأنو العملية هذي عباره عن سلسلة مترابطة كل حلقة فيها مرتبطه بالحلقة ألي قبلها واحنا هنا بنتكلم عن اعلى درجه علمية وهي الدكتوراه .
5- بالنسبة لدراستكم في مرحلة الماجستير هل كانت بالغة العربية أو الإنجليزية هذي النقطة ايضا ماوضحتيها ولكن اعتقد انو أغلب الجامعات الدراسة فيها بالغة الإنجليزية لأانو لو كانت دراستكم في مرحلة الماجستير بغير اللغه الأنجليزية فأعتقد انو العملية حتصعب شوية عليكم لأنو الوضع حيتغير عليكم بشكل كبير وأيضا كيف مستوياتكم باللغه الأنجليزية هل هو متوسط أو فوق المتوسط ؟ لأنو كلما كانت مستوياتكم متقدمة باللغة الإنجليزيه كل ماكانت العملية أسهل عليكم والعكس صحيح لانو رق بين الشخص يبدأ دراسه اللغة وهو عنده المبادئ والأساسيات ومتعمق بدرجة معقولة باللغة وبين الشخص الي مستواه ضعيف ويفقد للمبادى والأساسيات والممارسه الفلعلية للغه .
6- أيضا بالنسبة للمدة الزمنية للدراسه حتفرق سنتين بين جامعة الملك سعود والجامعة الكندية وهذي برضو نقطة مهمه
ولهذي الأسباب أعتقد أنو الأفضل لكم دراسة الماجستير بجامعة الملك سعود وعموما انتم استخير والله والله يكتبلكم الي فيه الخير