رد: هذه موادي في الخطة !!
السلآم عليكم
اخوي اذا تبغى نصيحتي سهل الجدول على نفسك وبعد التخصص ابدأ اكررف وهدا اللي انا سويته
اهم شي في هدا الترم انك ترفع معدلك او على الاقل تحافظ عليه
اغلب الطلاب في دفعتنا معدلهم طاح مع اول ترم وفي طلاب الى الآن ما تخصصو على آمل انهم يرفعو معدلهم في الترم الجاي وفي طلاب تخصصهم ما عجبهم وبيحاولو يرفعو معدلهم ويغيروه الترم الجاي
من البدآية اهم شي المعدل لأنو هدا الترم اهم ترم وهوا اللي حيحدد تخصصك المناسب ليك على حسب معدلك
واهم شي عندك انك تاخد الـ ie203 , ie204 لأنو هدولا المادتين ماحتتخصص الا ادا كنت ماخدهم
بانسبه لجدولك اللي حطيته للترم الاول انا حأعطيك فكره عن مواده وانت شوف ادا مناسب لك او لا
ماث 202 .. طويله وتحتاج مذاكرة وممارسة يومية على التمارين .. احنا لما شفنا الفيزياء والرياضيات المستوى الثاني قلنا اكييد بتطلع سهله زي المستوى الاول وراح يمشي حلنا .. بس طلعت شكل تاني ويبغالها دراسة يوميييه ولا غير كدا حتتراكم الماده عليك
مقدمة في التصميم الهندسي .. المادة حلوه وتعود الطلاب على التفكير والشغل الجماعي بس كررررررررررررف مو طبيعي ... الماده كلها بالانجلش وحتكون مقسمة على شكلين اسبوع مفرد واسبوع كتيم ..في كل اسبوع تشتغل فيه كمفرد حيكون في اختبارين السبت والاربعاء وكل اسبوع حتشتغل فيه كتيم حيكون في اعادة للأختبارين .... غير كدا المادة على بعضها كلها اسايمنتات وهدي الاسايمنتات حتاخد من وقتكم كتيييير كتيم وكنا انا وتيمي بنجتمع دايما وبنسهر على هدي الاسايمنتات وفي آخر الترم حيكون عندكم تقديم مشروعكم اللي اشتغلتو عليه
الرسم الهندسي ... الماده حلوه وممتعه وما تحتاج الا للفهم وحتدرسو فيها على الورق وعلى الكمبيوتر .. بس الكرف فيها الواجبات لأنو بتجي طويييله وبتاخد وقت طويل
الـ ie203 اللي هيا الانجلش قلت قبل كدا انو لازم تشدو حيلكم فيها لأنو جدا دقيقين ... حيطلبو منكم فيها بورتفوليو وبريزينتيشن وحيكون في 3 اختبارات على مدار السنه لكل من الريدينق والرايتيق و الفوكابلاري ياخدو منها احسا اختبارين .. واخر السنه برضو حيكون في اختبارين نهائيين في الريدينق والرايتينق والفوكابلاري ..
في شي غريب باختبارهم انو يعتمد على حفضك للمعلومات اللي في القصص اللي في الكتاب... ما يعتمدة على قوة انجليزيتك ...
الثقافه الاسلاميه واللغه العربيه ومعمل الفيزيا جدا سهله
والله يوفقك ويوفق الجميع
|