[تهندسي تكهربي]

المشاركة الأصلية كتبت بواسطة اسامـــه ياتهندسي المذاكرة اليومية احس صعب انك تتعود عليها إلا اذا كنت تذاكر من زمان يعني مثلا زيي من يوم مادخلت الجامعة وانا اقول هذاكر كل يوم والخ لكن زي ما انت شايف مااعرف المادة اللا قبل الاختبارات ب اسبوع او اسبوعين صراحة انا ودي اغير من طريقة دراستي صح انها مشتني في التحضيري وخلتني اجيب معدل طيب طبعا لاننسى ان مواد التحضيري بسيطة نوعا ما طبعا انا ودي اخصص يوميا ساعة مذاكرة او مراجعة للي اخذته للكن للأسف النفسية ماتساعدني يعني مني متعود لكن ان شاء الله احاول اني اغير من طباعي واعتقد غالبية الطلاب نفس حالتي مايعرف المادة اللا قبل الاختبار بكم يوم وان شاء الله مع بداية الترم الجميع يبدأ يخصص ساعة مراجعة ونحاول نغير من انفسنا للأفضل بالتوفيق للجميع

اسامة انا عارف هذا الشي انو صعب خاصة للي ما تعود على هذا الشي واعرف كثير من الطلاب يقللك انا هذا الترم راح اكون غير اذاكر اول باول وفي الاخير ولا شي ,,,

لكن انا ما اقول ذاكر كل موادك اول باول في مواد اسبوعية ومواد قبل الامتحان باسبوع ,,, لكن في مواد لو ما ذاكرتها اول باول راح تضيع حاول خاصة مواد تخصصك ,,, مثلا مو شرط انك تذاكر من الكتاب او المذكرة لمن تاخذ درس اعرف ايش موضوعو وانتا على النت ابدا ادخل على مواقع تشرح هذا الدرس حتلاقيها ممتعة شويا زيك الحين انتا تبغى تستفيد جالس على النت على المنتدى تسال وتستفسر في احد شارط عليك هذا الشي بالعكس انتا بادرت بنفسك ((((( لا تاخذ الهرجة على انك مغصوب تسوي هذا الشي,,, لكن خذها باستمتاع ,, برغبة ,, بحماس ,, بكيفك )))))) وفي البداية مو شرط انك تذاكر اللي فاهمو ,,, اللي ما انتا فاهمو لااااااازم تفهمو لا تأجل الى قبل الاختباار وعندك غير المذاكرة حتحصل شغل يكلفك فية الدكتور واجب ,, مشروع ,, بحث ,,, وغيرها هذي برضو لا تاجلها ,,,,



الهدف : انتا جالس الحين ابغاك تتخيل انو بعد بكرة الاختبار وانتا فاهم المادة مزبوووط وفاهم شغلها وفاهم لفات الاسئلة وعملت المشروع وحافظ قوانين,,, طوووووووووول الترم وانتا شغال مزبووط كيف بيكوون شعوورك ؟؟؟؟؟؟ ( مرتاااااااااااااح )
وابغاك تتخيل العكس كيف بيكون شعورك ؟؟؟؟؟؟ ( خايف ؟ مهموم ؟ متلخبط ؟ بدات تذاكر كيف مذاكرتك بتركيز ؟ خلصت ؟ القوانين حفضتها ؟ تمارين خلصتها ؟ )

والنتيجة بعد الاختبار ؟؟؟؟؟