15-09-2010, 01:05 AM
|
#2
|
تاريخ التسجيل: Oct 2009
كلية: كلية الآداب والعلوم الانسانية
التخصص: لغات اوروبية
نوع الدراسة: ماجستير
المستوى: الأول
البلد: جــــدة
الجنس: أنثى
المشاركات: 569
|
رد: طالبات الانجلش المستوى السادس ومابعده نحتاج مساعدتكم ^_^
وعليكم السلام ورحمة الله وبركاته
ومن العايدين وكل سنه وانتي بالف خير
بالنسبه لسؤالك فرح اسطر لك تجربتي في الترم اللي الراح
اولا بالنسبه لمقدمة الادب كانوا الدكتورات د.فتحيه و د.ليلى الدخيل ود.ايمان تونسي
بالنسبه لفتحيه انا سبق ودرست معها دراما وما عجبني طريقتها في الشرح بس بالامانه تفهمي معها بس صوتها واطي و اسئلتها متوقعه وبالفاظ مفهومه يعني لما تقرأي سؤال تلاقيه قد مر عليك والجزء المقالي متوقع
اما ليلى فاسلوبها في الشرح روعه تطلعي من المحاضره وانتي فاهمه كل شي بس تنصدمي بالاسئله تجيب الاسئله بطريقه والفاظ جديده يعني مو نفس ما قراتي في الكتاب وكمان مفردات صعبه بس الجزء المقالي حلو بس تتعبي في المذاكره
يعني بالنسبه لي الترم ذا رح ارجع لفتحيه الحمدلله معاها دائما اخذ فوق 85 بس مع ليلى انصدمت لما لقيتني اخذه 77 مع اني احب الادب وفاهمه المنهج صفحه صفحه وحرف حرف ولغتي ممتازه .
وبالنسبه للدكتوره ايمان تونسي ما اقدر افيدك لاني ماقد درست عندها مواد ادب
اما بالنسبه لمقدمه في اللغويات فانا درست مع الدكتوره ابتسام باجري
طبعا شرحها عادي تقرأ من الكتاب و تشرح بالعربي احيانا
بس عند الاسئله تروحي وطي الاسئله 15 سؤال والدرجه مدبله
كل خطأ املائي بنص درجه
كل فقره في الكتاب لازم تقرائيها واسئلتها ابدا مو متوقعه
واهم شي انها بياعة كلام يعني بالعربي لا تصدقوها في طريقة الاسئله او الاشياء المحذوفه
و الدكتوره هند بن فريج تقريبا نفس الشي الاسئله صعبه والشرح مو ذاك الزود
اما الدكتوره ناديه بامدحن ما قد درستني بس البنات يقولوا انها مره كويسه
بالنسبه لمناهج البحث ما لك الا منى حموده يا ناس تجنن ذي الدكتوره
اما مقدمه الترجمه فانا درست مع ناديه الشبيلي مرتين واخذت عندها ممتاز في الترمين
ان شاء الله اكون افدتك
وترى كل بنت لها رأي وعندها نقاط ضعف وقوه ومو دايما السبب يكون من الدكتورات.
وبالتوفيق
|
|
|
|
Our deepest fear is not that we are inadequate. Our deepest fear is that we are powerful beyond measure. It is our light, not our darkness that most frightens us. We ask ourselves, Who am I to be brilliant, gorgeous, talented, fabulous? Actually, who are you not to be
|
|
|
|