[JuStice]

.

الجداول اللي في الموقع الآن قديمة مو تبعكم ,

حقت الترم التاني للدفعة اللي قبلكم .. وقريب إن شاء الله راح تنزل الجداول للترم الأول لنا ولكم ,

والدوام عادةً من الصباح 8 أو 9 إلى 3 العصر ويمكن إلى 4 للمختبرات .. وسكرب المختبرات لونه أزرق غامق فاقع !

أول كم أسبوع ما يركزوا عاللبس لكن فيما بعد خلاص لازم تلتزموا بـ لبس السكرب ,

ودي صورة للسكرب :

وفيه محلين ممتازة لشراء السكرب وهي أغلى من غيرها ولكن أفضل ..

الأول اسمه Scrubs وأظن حاليًا أتغير اسمه للباس الطبي وهو بمركز دانية في شارع حراء , والتاني اسمه TimeLess في شارع صاري تقاطع طريق المدينة ..

كأنك رايح على دوار الفلك قدامك وحتلاقي المحل عاليسار تاخد اللفة وترجع له جنب ركن جحا حسب ما أتذكر .

.