[تووتـــــــــة]

السلام عليكم ورحمة الله وبركاته

اليوم رحت ع السكن الله لا يوريكم من جدددد اول مادخلت اصلا حتى الدرج بلاطه مكسر ومدري كيف دخلت جوه مسكين حالي احسب نفسي انو ........... بلاش اقول بس حررررر جداااااا
وربي حتى رطوبة البحر مو كدا والبنات كانوا فووووق بعض والمكان صغيييييير والله حسيت نفسي كأني في مكتب الحجاج هادا شي غير كدا خلونا نوقف زي المساكين والله في الحر
حتى مكيفهم خربان تخيلوا بس بعدين قلك قلك قعدوا يقولوا القوانين الي ماسمعت منها ولا شي الحمدلله
كنت واقفه جوه جمب الباب زي الشحاته مع البنات عشان يدوني الاستماره لا وللعلم يدخلوا وحده وحده
من قوة النظام يعني استغفر الله بس بعدين لمن واخيرا دخلت بعد ساعات من الوقوف اعطتني استماره
وقااااااااااالوا انه حيستقبلوا الطالبات يوم الجمعه بس قبل كدا مافي
الله يكون بعونكم يابنات الي من مناطق بعيده وربي حاسة فيكم
وبعد هادا كلو قلت خليني اروح اشوف الغرف كييييييف من الحماس يعني....










<<< شايفين الفيس دا زي كدا سار وجهي ماعرف كيف حعيش فيه والله
يابنات نصيحه الي اهلها يسمحولها على السكن الخاص تروووووووووووووح نصيحه لوجه الله
انا اهلي بالقوه سمحولي على شي اسمه سكن والله مادري ايش اقول من الفاجعه الي شفتها وسسسسخ
مررررره وخوفني بصراحه وبعدين المشرفه قالت انه كل 3 او 4 في غرفه او 2 على حسب
عاد على حسب ايش الله اعلم
الله يستر والله ....... وصح على فكره البنات الي سألوني ايش اجيب معايا انا جبت كل الاوراق الي طلبوها والي ماطلبوها وما ااخدو شي مررررره بس اعطوني الاستماره وقالوا بعدين لما اداوم في السكن اجيب معايا مع الاستماره :
1- صورتين من كرت العيلة
2- صورتين من الكشف الطبي
3- صورتين من شهاده حسن سيره وسلوووك
4- صورتين من شهاده الثانويه العاااااااامه
5- صورتين من صوره الوكيييل الي حيستلم الطالبه
وبس تقريبا والعنوان بصراحه ماعرف اوصف بس هوه جمب مدارس الصرح الاهلييييية


الحمدلله على كل حاااااااااااااااااااااااال ياااااارب الله يعديها على خييييييير ويوفقنا كلنا يااااااارب


قولوا آآميييييييييييييييييييييييين