[داعية المستقبل]

المشاركة الأصلية كتبت بواسطة ملح الكون حبيباتي الفيزيائيات ابغى خبرتكم انا جدولي اللي مفرض حينزل حسب الخطه هو ميكانيكا 2 حديثة 2 طرق نظرية 2 كهربائية ومغناطيسية 1 معمل فيزياء حديثة معادلات تفاضلية وبصراحة انا احس انه حيكون مرررا ضغط عليا وراح ينزل المعدل برضوا فابغى احذف مادة ايش رايكم وايش تنصحوني احذف ؟؟؟ وكمان اللي تعرف دكتورات دي المواد بليز تحكينا عنها وعن اسلوبها ونظامها داعية المستقبل وكل وحدة اخذت المواد لاتبخلو علينا بردودكم

اهلين عزيزتي ...
شوفي انا بأحاول افيدك واقدم المساعده قد ما اقدر --> وربي يكتب لك الخير

اول شئ بأقولك انه صحيح ضغط لكن لو انت حابة تمشي على الخطه وتتخرجي في 4 سنوات ---> لاتغيري كثير في جدولك

ثاني شئ : بأقول لك عن كل ماده ودكتورتها وكيف اسلوب الاسئلة وانت بعدين احكمي اش الانفع لك انك تحذفيه , واستخيري اولاً واخيراً

حديثة 2 : لو نزلت مع د/ فاتن --> وهو الاكيد
لا تشيلي همها ابد لانها بجد عكس حديثة 1 بـ 180 درجه
جدا سهله ود/ فاتن مختصرة لابعد الحدود واسئلتها ماتغيرها ابدا وتقولها لكم في المحاضرة - هذا راح يجي في الاختبار - وفعلا يجي نفسه
( انصحك ماتحذفيها )

معمل حديثة : مع أ/ العنود وأ/ نوف --> ربي يسعدهم فين ماكانوا
امتع معمل مر علي ويساعدوك بعيونهم وجدا طيوبات وماتحسي بوقت المعمل الطويل المعتاد وتاخذي a+ بسهوله --> بس مو يعني تطنشي
اهم شئ انك تخلصي التجربه في المعمل - وتسلميها في وقتها - والحظور على الوقت
واعتقد هذي من اسهل مايمكن ومو اشياء صعبه اننا نقدر عليها
( برضه لا تحذفيه )

كهرو 1 : طبعا انا اخذتها مع د/ انسجام --> الله يسعدها ويوفقها انسانه رائعه في التعامل والشرح كمان -- بس للأسف راحت وهذي السنه ماراح تكون موجوده
وما اعرف مين راح يمسك هذي الماده
بس فيه بنات اخذوها قبل مع د/ فاتن وماعجبتهم يقول د/ فاتن تشرح في حديثه اما كهرو لأ ... والله اعلم
بس على العموم هي الماده قريبه من 202 - بس مع د/ انسجام ولا حتى تجي جنبها
جدا سهله زي اللي اخذناه في الثنوي --> طبعا لاني ما افتكر 202

ميكانيكا 2 : مع د/ نور الهدى
هي الدكتورة رائعه وتحاول تفهم وتعطيكم كل فرص الحياة عشان تزودوا درجاتكم وكل شئ عنده بونس الله يسعدها
لكن انا ماحبيت المادة لانها دسمة واحس اني ملخبطه فيها لانه فيها اشياء تتشابه كثير
لكن د/ نور اسئلتها بالنص --> يابنات الفيزياء اش تبغوا دلع اكثر من كذا ؟؟
ونادرا ما تغير شئ بسيط في المسألة او الاثبات
" ملحوظه ": اللي تحفظ راح تمشي بهالماده بسهوله - لكن للاسف انا ما احفظ

نظريه 2 : ما اقدر افيدك فيها للأسف لأني الى الان ما نزلت المادة

اما معادلات : فحدث ولا حرج

طيب ياحبيبتي كمان لازم تنتبه لحاجه لما تبغي تحذفي :
لا تحذفي ماده تكون متطلب اساسي لماده مهمه الترم اللي بعده --> عشان لا تحوسي
وتتورطي زيي قبل كذا

* فأنا اقول لك لو رجع لي هذا الترم ثاني مرة كنت راح احذف معادلات لانها مالها متطلب وعشان كمان يصير تقدري ترفعي معدلك لاني المواد الباقية تقريبا اغلبها سهله
- هذا الكلام اذا كانوا نفس دكتوراتي -

طووووووووووووولت كثييييييييييييييييير
بس كنت حابه الافاده للجميع قدر الإمكان

والله ولي التوفيق