* حاولت ارسل عالخاص ما قدرت .. ياليت الاخواااانك يجابوا على اسئلتي
السلام عليكم ،،
أخي رازن .. تحية طيبة وبعد ،،
في حديث أبي هريرة رضي الله عنه عن النبي صلى الله عليه وسلم قال : ( كان الله في عون عون العبد مادام العبد في عون أخيه ) ،،
فجزاك الله ألف خير ،، على موضوعك .. ويسر الله لك عسير ، وسهل لك كل الصعاب ، ومهد لك الاعوام السبع حتى تصبح طبيبا نافعا منفعا ،،
معك أخوك .. طالب في السنة التحضيرية
نسبتي ولله الحمد من الثانوية ( حكومية ) : 99.22 %
وفي القدرات : 86
أتمنى بإذن الله أني اخش كلية الطب ، لكن أمامي عقبة السنة التحضيرية ، المشكلة أن جميع اللي أعرفهم درسوا هذي السنة التحضيرية غالبيتهم ماوفقوا فيها .. فتلقاهم يسبون هذي السنة ، ويخوفونك منها .. فأبغى منك العلم الاكيد حول هذي السنة ..
عندي وانا اخووك كذا استفسار وسوال حول السنة .. أتمنى أن يتسع لها صدرك ،،
أولا .. اسئلة حول السنة التحضيرية بشكل عام ..
س1/ كيف مستوى هذي السنة التحضيرية ( سهل - تحت المتوسط - متوسط - فوق المتوسط - صعب )؟
س2/ هل يلزم للسنة التنحضيرية في جميع المواد مذاكرة ومراجعة وتحضير يومي ؟
س3/ وش أصعب هذي السنة ولا سنة ثالثة ثانوي ؟
س4/ هل في إمكانية للتنقل من شعبة دكتور إلى دكتور آخر في الأيام الاولى .. ؟ .. وهل ينتج منها مشاكل أو حزازيات ؟
س5/ هل يتطور مستواي في اللغة الانجليزية بعد هذي السنة ؟
س6/ عنوان ورقم يوسف زويل ؟
نجي للمواد .. أنا خطة ب
1/ الانجليزي ..
س1/ انا حاليا طالب في british council يومي الاحد والثلاثاء .. 3 ساعات مسائية .. هل تنصحني بالاستمرار فيه مزامنة مع الجامعة .؟
س2/ من أفضل في التدريس والشرح والدرجات : المدرسين العرب ولا الغرب ؟
س3/ هل تنصحني إذا جاني مدرس عربي أغير إلى غربي أو العكس .. ولا أرضى بما أنا فيه ؟
س/ هل يحتاج مدرس خصوصي للمادة (علما بأن مستواي متوسط فيها ) ؟
س/ المادة تعتمد على ايش ( مقرر أو دفتر أو تست بانك ) ؟
س4/ هل فيه نصائح إضافية للمادة ؟
2/ الاحصاء
س1/ المادة بصفة عامة كيف ؟
س2/ فيه شباب نصحوني بسعيدالغامدي .. أنت وش تقول .؟
س3/ هل المادة تحتاج مدرس خصوصي علما بان مستواي ممتاز في المادة ؟
س/ المادة تعتمد على ايش ( مقرر أو دفتر أو تست بانك ) ؟
س5/ نصائح اضافية للمادة ؟
3/ الكيمياء
س/ كيف المادة بصفة عامة ؟
س/ فيه شباب نصحوني بالدكتور إبراهيم مخالد ؟
س/ هل تحتاج مدرس خصوصي علما بأن درجتي فل مارك في هذي المادة في الثانوية لكني أكرهاااااا .. فهل تحتاج ؟
س/ المادة تعتمد على ايش ( مقرر أو دفتر أو تست بانك ) ؟
س/ نصائح اضافية حول المادة ؟
4/ الاحياء
س/ شباب كثير يقولون بالنسبة للأحياء :( لو يدرسك أي دكتور عااادي لأن الاسئلة كلها من التست بانك ، فأنت حول تحفظ يوميا 4 أسئلة لين يجي نهاية الترم وانت حافظها ) ؟
س/ المادة تعتمد على ايش ( مقرر أو دفتر أو تست بانك ) ؟
س/ أكيد ما تحتاج مدرس خصوصي لأن كلها حفظ .. صحيح المعلومة ذي ؟
س/ نصائح اضافية للمادة ؟
عااااا رف والله اني تعبتك .. لكن مالك مني الا والله واحد يدعي لك في سجوده وركوعه ..
والله يحرم يد اللي يجاوبني على النااااار
بانتظار ردك وردودكم