الله يسلمكم حبيباتي و يسعدكم و نحن بالخدمة باللي نعرفه
على فكره اول ترم هو احلى ترم رغم ان المادتين ( الاحصاء و المواضيع ) ثقيلة لكن و الله لا تشيلو هم خصوصا لو كان الجروب اللي معاكم متعاون راح تنبسطو كثير و تساندو بعض
طبعا هالمادتين اجبارية لكل بنات الاحياء عشان كدا راح تقابلو بنات الدفعة كلهم و بعد كدا تروح وحده لمسارها و لمشرفتها و احتمال ما تقابلي كل الجروب مره ثانية
و نصيحة من قلب لاتنزلو غير ( المواضيع الخاصة في الاحياء و الاحصاء ) لان المادتين دسمة جدا جدا باستثناء لو عندك مواد تكميلي ممكن تنزلي ماده ثانية و راح يكون ضغط عليكي
بالنسبة لمادة ندوة البحث أنا هذا ثالث ترم ليا و يمكن اخليها للآخر لانو زي ماقالو البنات انها مرتبطة ارتباط شديد بموضوع الرسالة ( يعني كانها بروفة لرسالة الماستر) و انا حضرت ثلاث ندوات بحث
و تتضمن هذه المادة عرض سمنار ( بوربوينت ) لشغلك اللي راح تشتغلي عليه في الماستر من حيث :
اعطاء مقدمة عن الموضوع اللي اخترتيه لرسالتك و ليش اخترتيه و اهميته و اهدافه و مواد و طرق البحث و النتائج المتوقعة و طوال الترم تكوني بتجمعي معلومات عن موضوع رسالتك وتجهزي العرض ( باوربوينت ) و يكون مفتوح و غالبا في مركز الملك فهد للابحاث و تتقيمي على اساسه لانه راح يكون فيه دكاتره يناقشوكي و يسألوكي بعض الاسئلة البيسطة في العرض يعني ماراح تتسألي في حاجة عميقة و صعبة كلو من اللي عرضتيه .
على فكره ياحلوات سمعت من صاحباتي انو لو تبغي تحضري مناقشات و سمنارات و تعرفي مواعيدها تحطي ايميلك عند رئيسة القسم الدكتوره صالحة و راح ترسل لكم السكرتيره المواعيد
تمنيت اني احضر دورا البرنامج endnote الخاص بكتابة المراجع و ان شاء الله هذا الترم احضره و نتقابل هناك بس ياريت اللي تعرف موعد الدورات تحطه لنا
و طالبات الدراسات العليا في قسم الاحياء ينعمل لهم اجتماع او 2 في الترم مهم تحضروها
راجعو الموضوع هذا قديم حطيتو من زمان بس يمكن تلاقو شي يفيدكم
http://www.skaau.com/vb/showthread.php?t=104724
نسيت كمان شي مهم ... راح تحتاجو لباسوورد قواعد البيانات و خصوصا موقع ساينس دايركت فمن بدري اطبعو جداولكم و روحو أسألو في المكتبة المركزية اعتقد الدور الثالث و هما راح يعطوكي استماره تعبيها و بعدين يرسلو لك الباسوورد على ايميلك
على فكرة يا بنات مين تعرف مين الدكتورة المشرفة على طالبات الدراسات العليا في قسم الاحياء ؟