كل معلوووومات سكن الفرع
طبعا بعد عنااااااء وبعد اختبار تحديد المستوى رحت للدكتورة دلال القيعاوي وادوني خريطه للسكن وبعد مليوووون ضيعه وصلنا والحمد لله
طبعا ادوني استمارة القبول
وعلى فكره سكن الفرع لجميع الطالبات العلمي والاداري
نيجي للوصف وربي مره انصدمت ونفسيتي تعبت
السكن مباني جمب بعض كل مبنى دورين وحوالييييينهم سور عالي لونو بني
واللهي دخلت والريحه صرعتني مدري يمكن ملجا للفيران الميته
المهم عباره عن شقق وكل شقه تقريبا 3 او 4 غرف بحمام واحد ومطبخ
الغرفه يشتركو بنتين او تلاته على حسب كبر الغرفه والمراتب لونها اسود بدون اي مبالغه
الحمام مشترك
والمطبخ في دواليب وتلاجه وغساله بس ماااااافي غاز وممنوع تجيبي غاز لأنو ممنوع الطبخ بس غلايه عشان تغلي النسكافه واشياء زي كدا
وسألها انا جبت اندومي كيف اعملو تقولي حطي بالغلايه
والمكرويف ممنوع
وقالت ممنوع لبس البناطيل الضيقه وازا بدك تنزلي لتحت للحوش تلبسي بالطو عشان تنزلي للحوش بس في الغرفه مايحاسبوكي على البنطلون
مافي نت وعادي تجيبو كونكت معاكم والجوال الكاميرا ممنوع والابتوب بكاميرا ممنوع
هههههههههههههه وا حلى شي البيبان مافي اقفال مفاتيح كل باب تشوفي الي جوه من الخرم الفاضي شي صدمني
ايوه وكل بنت تدفع 52 عشان البطاقه
والبنات يستلمو السكن ان شاء الله يوم الجمعه من الساعه 3 الضهر ل 9 الليل لا قبل ولا بعد واغراضكم كلها حتتفتش
وازا افتكرت شي حضيفو بإزن الله
|