لو يزيد الشوق جمرة تحولني رماد ولو يزيد العشق شعرة بوصل للجنون
هااااااااااااااي
هذي رائعة جديدة من روائع الشاعر الكويتي حامد زيد
اسمها ( مالا يفعلون )
عجبتني القصيدة من ناحية المتناقضات العجيبة اللي ذكرها
ما ادري تسمى متناقضات ولا ايش ؟
المهم يقول الكلام ويعكسه علشان تصير القصيدة موزونة
لا اكثر هرجي عليكم
اتمنى انها تعجبكم يا رب
===================  ============  ====================
ما بقى إلا سود الأيام تحرمك الرقاد
كيف الأوهام تجرأ وتسريك مغبون
من متى تجزع من الدمع وتخاف البعاد
من متى تقفي بك ظنون وتجيبك ظنون
صرت تأخذ كذبتي صدق ومزاحي وكاد
لو بأقول إني بأخونك تحسب إني بأخون
ما تعرف إن كل شاعر يهيم بكل واد
و إنهم دايم يقولون مالا يفعلون
ابك أنا لو قلت بأنساك وأنكرت الوداد
والله إني ما نسيتك ولا هم يحزنون
من جزع من صفعة الشمس يطمع بالبراد
ومن فقد وجهاته الخمس يلقى بك ركون
اعتبرها هفوة إنسان أو كبوة جواد
لو بتسمح فأنت غالي ولو تجرح تمون
عد صداتك مروة وطعناتك ضماد
خلهن لا راحوا طعون ولا ردن طعون
خنجرك يستاهل الطعن ومتوني شداد
ومنك يا زين الخناجر ويا بخت المتون
رد لي حنية المزح ياحساس الجماد
خلنا واحد يجي صلب والثاني حنون
موت فيني واندفن فيك بثياب الحداد
وان حييت أموت لرضاك واحيا بك بهون
مرة ارقد بالكفن وأنت ترقد بالمهاد
ومرة ارقد بالمهد وأنت ترقد بالكفون
ادري إن شجونك شجون وعنادك عناد
والبلى إن عنادك عناد وشجونك شجون
ربك اللي سخرك لي تقود وما تقاد
والله الخالق ولله في خلقه شؤون
ازرع ضلوعي من رضاك وابشر بالحصاد
لعنبو من جيت ترضيه وترد محزون
بس تسوى لك بلد قول تسوى لك بلاد
أنت كل العالم بكون ولحالك بكون
ما بعد محبتك حب ومرادك مراد
غير كونك سيد حشاي تدري من تكون ؟
نعمتين اختصوا الخلق من جود لجواد
كافل الأرزاق من حيث ما لا تعلمون
البنون ونعمة المال في عيون العباد
زينة الدنيا بلا شك في كل العيون
مثل زينة دنيتي بس عندي شي زاد
من عرفتك صاروا المال وأنت والبنون
انتشي بك نشوة التيه لعناق الرشاد
وافزع لك بفزعة القرن لشهاق الزبون
وأحصنك تحصين الأرزاق عن درب الفساد
وأعشقك عشق المظاليم لفراق السجون
لو تزيد الشوق جمرة تحولني رماد
لو يزيد العشق شعرة بوصل للجنون
خل هقواتك كبيرة ونظراتك بعاد
كانك أنت بكبرك تهون مين اللي ما يهون
ازعلك وارهن حياتي تحت رحمة زناد
تهبا لا والله إلا أنت والموت تهبون
عاد إذا لا رضاك هرجي ولا اللي قلت فاد
إننا لله وإنا إليه راجعون
وأنت باكر بتتعرف على ناس جداد
والكلام بيجيك من كل شكل وكل لون
لا تحسب إن كل كلمة بتسمعها وكاد
ولا تصدق هرج شاعر وتخدعك الظنون
دايم اعرف كل شاعر يهيم بكل واد
وإنهم دايم يقولون مالا يفعلون
حتى أنا اللي قلت أعشقك وما أطيق البعاد
يمكن اطلع ما عشقتك ولا هم يحزنون
============= ============== ==============
انتهت القصيدة
لا تنسوا تقولون لي اش رايكم فيها ؟
التعديل الأخير تم بواسطة i7ssas ; 31-05-2005 الساعة 11:00 PM.
|