[crazy mimi]

وقت تغير دون شك ولاريب
صارت ثعالبها تقود ذيابه
صاروا هم القدوه كبار ومعازيــب ..
لا وعذاب القلب لا وعذابه ..
لا وعذاب القلب لا وعذابه ..
قمت اتذكر ماورد بالمكاتيب
عن النبي خير البشر والصحابه
حديث موثق ولا به تكاذيب
يسود فيها اهل الفتن بالنيابه
اخيارها اعمال والا مناديب
ماحد يوجبهم ولابه مهابه
النوخذا ماعاد يامر على السيب
بحارته ماعاد تعمل احسابه
بانت علامات الزمن يأهل الطيب
قامت تردى احاولها واسفابه
يالله ياللي محد غيرك ايجيب
تسمع دعاء عبدك ومنك الأجابه
حسن الختام بتالي العمر مايخيب
مع الذي يمناه تمسك كتابه
وأحفظ أخواني من جميع النواشيب
من الذي يا بشر ينوي خرابه
وكبيرنا ترعاه ياعالم الغيب
اللي على عياله هميل سحابه ..