[ريلآكس]

السلام عليكم ..!

كيفكم إن شاء الله تمام



طبعاً العنوان وهمي أقراء سطوري ادنآه

مداخل :
كنت اسمع محاضره لدكتور (سعودي) واضح من اللهجه
خلصت الباب الأول وبديت بالثاني يعني حلو شرحه وميسر وفاهمه عليه ..
فكرت استغل وقتي بما إني خلصت بدري إني اسمع محاضره ثانيه لماده غير إلي خلصتها
أول ما سمعت المحاضرة تنحت @@ الدكتورة مصريه<~ طيب وش يعني مصريه..!
يعني إن كل شوي أعيد وارجع واشغل المحاضرة من جديد عشان أركز بكل كلمه قالتها وحبه حبه..

إلي نعرفه جميعاً
إنهم يتكلمون بسرعة وكلامهم مع احترامي مكسر
مثلا : أستاذه كانت تقولي (قدول) احياناً أغلط وأقول قدول @@ <~ قدول = جدول
طيب لو إنهم يدرسون أطفال ووش راح يصير ..



انـآ مو ضد هالفئه بالذات
بالعكس كل الأجانب بصفه عامه ولو نلاحظ الاغلبيه من مصر.. في مهنه التدريس ..

يا أخواني :
الشيء إذا زاد عن حده ينقلب ضده وش فيهم السعوديات .!؟
نسبه البطالة عندنآ كل يوم عن يوم ترتفع ..
راح تقولوا : ليش الوظيفة خليها تقعد بالبيت وتربي عيالهآ أحسن
أقول هذي للي عندها عيال وبيت ..!
والي ماعندهآ يعني عانس وللمعلومة اكبر (نسبة عنوسة بالعالم الإسلامي توجد في السعودية)


سعوديات في اعلى المستويات مالقوآ وظيفة
وان وجدت وظيفة مافي خبره ..!<~ من وين تخترع شي اسمه خبره..
جامعيات عاملات نظافة ..!

اخبار كل يوم عن يوم ترسم المأساة
تخلينـآ من جد نحس بإحباط من المستقبل
وفوق هذآ نكمل ونمشي ولا يهمنآ ونرسم تخيلات في تخيلات
وبالأخير ننصدم انو وصلنآ للحقيقة في كوكب الواقع..


أكيد مافي وظائف لان اغلب الأجانب ماسكين عندنـآ مناصب
احنآ نشوف ومو قادرين نسوي شي ..

احنآ نحتاج الكوادر العلمية متى ..!
لما يعم الجهل يعني المفروض هالشي يكون بعهد أجدادنا وابائنآ والحين يندثر

يعلمونآ الصنعة واحنآ نمشي عليها ونعلم الأجيال الجايه
مو الين اليوم واحنآ نتعلم منهم واخرتهآ قاعدين بالبيوت ..!


مثل بالضبط الي قاله احمد الشقيري :
نجيب خبراء في صناعه السيارات يعلمونآ الصناعه ثم يعودون الى دولتهم واحنآ نكمل المسيره ..!
وجيل عن جيل امه تنهض ويتوفر وظائف ومستقبل و و و ..الخ

لكن ناس عندهم شهادات
ومازلنآ نستعين بالاجانب فهذآ الظلم بعينه ..!


ملاحظه :
- موضوعي ما فيه عنصريه لناس معينه ..
- استظل تحت نهج (ولد البلد اولى من الغريب ) ولـ نعطي كل ذي حق حقه ..
- العنوان الي اخترته حبيت فقط الفت انتباهكم للاهميه الموضوع قبل ما ينتشر ويكبر ويوصل للعنوان..!




.

.

مجرد فضفضه لشي مكبوت بداخلي من سنين ..!

اترك المايك لكم ..!