[أحلام لاتكتمل]

السلام عليكم ورحمة الله وبركاتة


كيفكم جميعاً :)


الظاهر اني زعلت بعضكم لاني وقعت على العله

والله انا من وجهة نظري ماقلت الا الصحيح

والا انتوا دخلتوا التعليم عن بعد ليش؟ عشان تبون شهاده بس؟ مهما كان التخصص ؟ او عشان تخصص اداره اعمال؟ جاوبوني بصراحه

خلوا عنكم المجاملات والكلام الحلو والمنسق

خلوكم صريحين

كل واحد يقولي ظروفي وظروفي

ظروفك ماتحدك على شي ماتبغاه وتنغصب عليه

هذولا ضحكوا علينا

واللي يسكت عن حقه يرضى باي شي يجيه للاسف

وانا عن نفسي لن اسكت عن حقي

وصدقوني يمكن الله مو كاتب لنا ندرس بهالجامعة النصابه

بس مو اننا نسكت ونخش اي تخصص

حرام عليكم
اجتهتدوا ودرستوا ودفعتوا وتعبتوا ؟ واخرتها تخصص؟ ماتبونه ؟ بالله عليكم ؟ كيف ترضونها على نفسكم ؟

تدرسون شي ماتبونه
واللي يقول مجبور ؟ وش السبب اللي يخليه ينجبر؟ ياخي شفيها لو بديت من جديد

كلها سنه ترى

في ناس بدت من جديد سنين وثابرت وابدعت ولا انها تنظلم وتسكت

الساكت عن الحق شيطان اخرس

وانا عن نفسي

ماني ساكت عن حقي والله العظيم

اني لاخذ حقي بيدي
ولللي يقول اني رايح عشان مصلحتي الشخصيه

يسال سلطان شكنت اتكلم
هل كنت اتكلم بصيغه الفرد ؟

ام بصيغه الجمع

بس انا ماحب الشخصيه اللي ماعندها قوة ولا اتخاذ قرار حازم

ياخي في حلول كثيره تطالب بحقك وتنتظر

ليش استعجلتوا

ترى الدراسه توها باديه
والقرارات ممكن تصير اليوم قبل بكرا وبسرعه تتنفذ ؟ يعني يمدينا ندرس وتكون حالتنا خاصه

بس الاستعجال عندكم مدري وش سببه

لمعلوميتكم في جامعة الملك فيصل والأمام

لو كان عددنا كبير والاغلبيه ماحولوا تخصصهم وظلوا صابرين كالاقوياء

كان ممكن يرضخون لطلباتنا

ونفس الوقت ناخذ حقنا من جامعة الملك عبدالعزيز

ومانقول حكم القوي على الضعيف لا

نركض ونطالب لين مانحصل حقنا


وياخي شفيها لو تاخرتوا فصل واحد فقط ؟

عااااااااااااادي نكمل الفصل الثاني لو باي جامعة مو شرط الجامعة النصابه

بس ما ارضخ للعبتهم

اللي لعبوها ببداية الدراسة بحيث مايمديك تسجل بجامعة اخرى او تسوي شي

لكن انا وباقي الزملاء الاقوياء بنظري اللي شخصيتهم حكيمة اشوفها

نبي نواصل لين ماننال مبتغانا

احسن من اللي استتسلم بكل سهولة

وادري ان كثير زعل من كلامي بالبداية وراح يزعل من كلامي هذا بس انا ماحب احد ياخذ حقي واسكت وبقيه الزملاء اللي صابرين وماستعجلوا كذلك

والله ينصرنا علي الظالمين وناخذ حقنا احسن من غيرنا

تحياتي لكم :) واسف لو زعلت احد بس كلام الحق يزعل يقولون