[rubi]

السلام عليكم ورحمة الله وبركاته

كيفكم يا بنوتات يا قمآآري ياللي حتتوظفو باذن الله وظايف تجنن ونكون راضين بيها تماما والاهم فيها شرطنا الصغيييير>>نو اختلاط الموضوع دا تابع لموضوعي >> %% ليش الوظايف المحترمة اختلاط ــــــــ طيب واحنا ؟؟ ايش الحل

من كم يوم كنت بشوف مسلسل .. وكانوا جالسين صديقتين .. ووحدة سالت صحبتها.. انتي ايش سويتي في حياتك الاربعة سنين اللي فاتت؟؟ بطلة المسلسل ماعرف تجاوب ونزلت راسها وقالت اممم رحت امريكا وانبسطت وو اممم خلصت الجامعة طبعا اقصد انجاز متميز عن غيرك .. الملايين بتكمل ماستر والملايين بتكمل دراستها ،،وبكدا ضاعت عليها اربعة سنين من حياتها فالدراسة التقليدية والوناسة والنوم وانا سالت نفسي السؤال .. هل انا سويت شي مميز فحياتي خلال السنين الاربعة في حياتي؟.. وماعرفت اجاوب ،، بالاصح خجلت من نفسي ،، واكيد اغلبنا كدا

ممكن تسالي نفسك السؤال؟ محد حيعرف الاجابة الصادقة غيرك

[motr]
نرجع للموضوع الاساسي
[/motr]

انا عملت الموضوع دا للبنات اللي ما يرضوا انهم يشتغلوا اختلاط وزي منتو عارفين .. الشركات كلها اختلاط واذا لقينا شركة مديرتها امرأة سعودية بيكونوا مكتفيين .. بس اللي محتاجينو بنات للتسويق الميداني>>اختلاط

دا الموضوع عشان كل وحدة تفكر معانا وتقترح عــــن مشروع نشارك فيه كللنا انا ماعرف ايش المشروع لسا .. او يمكن في بالي شي .. لكن ابغا كل وحدة بتقرا موضوعي تدخل وتقولنا أي فكرة لمشروع يفيدنا وبعد كدا يكبر والتوفيق من الله

انا بصراحة يا بنات ماسويت الموضوع ودخلت دوغري وقلت انا فكرتي كذا كذا وناوية اسوي كذا كذا لاني حاطة ببالي .. ممكن وحدة من البنات اللي تقرا كلامي يكون عندها فكرة احسن مني واكتر فايدة .. وكمان ممكن نكسب اقتراحات ماكانت حتيجي ببالي ابدا منك انتي .. ايوة انتي ياللي بتقري موضوعي هههه ,, لاتقولي حشوفهم ازا حينجحو او لا,,شاركينا ما حتخسري شي اذا ما نجحنا..

الموضوع مو خاص للسعوديات او البنات الرافضات للاختلاط الموضوع مفتوح لجميع بنات حواء شرط ان تكوني طموحة هع هع >>مية خط تحت كلمة طموحة

rubi