[! سلطـــان !]

المشاركة الأصلية كتبت بواسطة ابراهيم الرمثي الله يوفقك ياسلطاان بس هذا الفرق ؟؟ يعني لو كملت انتساب كان احسن ليه ؟؟ مو التعلم من بعد اقدر اختبر بأبها ؟ واقدر مثلا اكمل ما جستير ودكتوراه؟؟ وايضا اذا اخذت بكلريوس اخذ ترم تربوي واجي مدرس ؟؟ والا كلها تغريد خفاشات ؟

لا يا اخوي انا ردي كان مركز اكثر شي ع الرسوم العاليه واسبابها ومقابلها الخدمة المتواضعة

بس اذا تبي تعرف الفرق بين الانتساب والتعليم عن بعد اضغط ع الرابط وشف الجدول

http://elearning.kau.edu.sa/Pages-%D...%B1%D9%82.aspx

اهم ميزة بالتعليم عن بعد هي تقسيم الدرجات وهذي نقطة بصالح هذا النظام 50 درجة اعمال فصليه شلون تجيبها من خلال حظور المحاظرات والمشاركة مع استاذ المادة ومن خلال الواجبات الالكترونية والاختبارات القصيرة الالكترونية والمشاركة بالمنتديات

يبقى عليك 50 درجة للاختبار النهائي

بعكس الانتساب ما عندهم واجبات ولا اختبارات قصيرة وغير مطالبين بالحضور ودرجة الاختبار النهائي تكون من 100 ع ورقة الاختبار

بخصوص الاختبارات للسنة التحضيرية فقط تقدر تختبر بمنطقتك وتدفع رسوم اختبار 1000 ريال ومناطق معينة باقي السنوات لازم تختبر بمقر الجامعة بجده

بالنسبة للماجستير والدكتوراه الى الان غير متوفر بالخطط المستقبلية يقولون راح يفتحون المجال للماجستير

وبعدين تاخذ ترم تربوي بوشو بالضبط ؟؟

التخصصات المتاحة بالتعليم عن بعد الان هي : ادارة عامه ... لغة انجليزية .... علم نفس .. ف ق ط

التعليم عن بعد كفكرة والية ممتاز وافظل من الانتساب ولكن ينقصة الكثيييير اولها التخصصات المحدوده

وهو مناسب جدا للشخص الي يبي تخصص من بين التخصصات الي ذكرتها ووقته يساعد يحظر المحاظرات

الانتساب هنا عقيم جدا ... بالمقابل الانتساب بجامعة الملك فيصل متفوق على الانتساب هنا بأشواط

بالتوفيق