[JuStice]

خخخخخخخخخخخخخ كيف المطوع اللي درسكم انا في قروب 4 والاناتومي بالنسبه ليه اسهل من الهيستولجي والبايووووووووووووو <<الله يقطعها

.



والله كان ممتاز المطوّع وقالنا كم معلومة أستفدنا منها ,

والأناتومي في البداية ما يعتبر سهل خاصةً إنه يحتاج قوة حفظ للمصطلحات حقته لكن الحمدلله تعّبت نفسي زمان وأنا أحفظ وأترجم فـ الآن مرتاح (:

هذي من احلى المواد واسهلها والدكتور حقها عسل ومحترم للغايه وراح يتفهم وضعك

طيب كويس .. ريحتني ,

المادة دي الوحيدة اللي لسا ما حضرت لها ولا محاضرة ولا شفت دكتورها .

امممممممممم والله الماده سهله لكن الدكتور حقها يرفع الضغط عندي مليووووون اللي هوه باداود ورب الكعبه جايبلك الكتاب وحاطه في الورد وقاعد يقرى وتشوف نص القاعه نووووووم <<وشخير بعد لكن انا قريت الكتاب وفهمته بصراحه لانه كلام سهل وسرت مااحظر

هيا باين عليها سهلة ,

بس المشكلة إن الدكتور شرحه سريع الله يهديه ويمشي بسرعة في السلايدات .

البايو وماادراك ماالبايو ورب الكعبه اني انصدمت فيها صدمه مو طبيعيه ماكنت اتوقع انو في ماده في العالم زي كذا الله يعين بس ورب الكعبه جانا في البروتين البروف عادل والله اني زي الاطرش في الزفه والحين جانا بروف سعودي كمان زي الاطرش في الزفه والله يعين بصراحه انا قاعد اذاكر من الكتاب الكبير والله يعننا جميعا وإن شاء الله تقدر تغطي كل اللي فاتك

أنا من زمان أسمع عن المادة دي وإنها همّ ما يعلم به إلا الله فالله المستعان ,

ودكتور محمد عرضاوي أحسه شديد شوية ومن النوع اللي الواحد يخاف يسأله سؤال عشان لا يحرجه قدام العالم

زي ما بيحصل كل يوم لما البعض بيسأله فـ يقوم يصيح فيهم : " يااا شبااااب قولوا له " " انتا وين كنت المحاضرات الماضية !" ما عجبني مرة .

ياحظك وربي وقت المحاضره اني امسك الاناتومي ولا الهستولجي اذاكر فيه

الحمدلله إن محاضرات الثقافة والعربي كلها جاية في البداية ,

عشان أناااااام براحتي (: الأحد والأربعاء أداوم من 10 ويوم الإتنين من 9

لو تقدر تقابلني بكره في البريك وتجيب معاك فلاش اعطيك هيه اللي اخذنها لين الحين 31 شريحه

طيب تمام ,

بكرة عندنا بريك طويل جدًا من 11 إلى 2 يصير أقابلك فيه ^_^

وحقت حداد عندي في البيت لكن باقي ماذاكرتها والله هذا بس اللي اخذه من المكتبه وبالتوفيق اخي العزيز

أنا سمعت عن د. حداد إنه يعطي دروس خصوصية في البايوكمستري ,

والشباب يمدحوه .. إيش رأيك ناخد عنده ؟

بس المشكلة إنه غالي .. يبغا من الشخص الواحد 4000 ريال عن السنة كلها .. وقبل يومين صاحبي في طب الأسنان كلمه واستفسر عن السعر

فـ قاله إنه يبغا من كل قروب 19000 ريال مهما كان عدد القروب أهم شي يجيه 19000 ,

لو كنا قروب من 8 أشخاص بيطلع على كل واحد 2300 ريال أو لو كنا 10 أشخاص بيكون عـ الواحد 1900 ريال .

إيش رأيك ؟

.