[بكـآء آلـرٍـوٍح ..!]

المشاركة الأصلية كتبت بواسطة beeera بس حبيت ارد على الاخت الفاضله جامعتنا معترف فيها دوليـــا مليون بالميه . من فين جايبه الاحباط هذا ؟؟ سواء تتوظفي برا السعوديه او تكملي ماستر .. الخ .. كيف صارت مش معترف فيها

والله يا قلبي يا انك مو عايشه في السعودية وسامعة كويس أو كنتي زيي أول وأنا احسبها معترفة

أكبر دليل صحبتي وصلت لمرحلة تعليمية وهي غير سعودية ولمن رجعت بلدها قالوا لها مانعترف بدي الشهادة ولازم تعيدي دي السنة ع الأقل وبعدين تكملي عندنا اش تبي اكثر من كدا ؟

اذا كان تعليمياً ماقدرت فما بالك وظيفياً .. أسألي ياحبيبي كل الي في الجامعة وشوفي

بس أنا ماقلت أننا مانقدر نكمل بها ماستر ودكتوراه برا إلا بالعكس .. وأكبر دليل لو أنو الجامعة عليها اعتماد ما كان شفتي طلاب يدرسوا برا وطلاب ياخدو شهادات الدراسات العُليا

أنا حتى دكتوري الي يدرسني دحين يقول نفس الكلام يعني ماجبت شي من برا

المشاركة الأصلية كتبت بواسطة عـآزفـ الكيـبورد ـة يعني وش الحل ..؟؟!!

حبيبتي إذا عندك قدرة على مواصلة الدراسة بمكان معترف فيه الله يوفقك وقدمي عليه

بس أنا قلت كلامي ع أساس الاقتراحات الي أنتي حطيتيها + أنتي اذا اخدتي بكلوريا من عبد العزيز يمديك تدعميها بدراسات عليا خارجية تصير شهاداتك معتمدة

غير كدا أنا معاك انو إكمال المشوار التعليمي إلى الدراسات العليا أصبح عند الأغلبية عشان منصب وظيفي ومسمى والحمدلله انا ماوصلت لدي المرحلة ><

وَ عندي أبداً مافكرت كدا بالعكس أدرس عشان اطور من نفسي , أسمح لنفسي تخوض تجارب , أرتقي لدرجات عليا تنفعني وتنفع مجتمعي بتعليمي [ العلم نور والجهل ظلام ]

وبنسبة لـ أنك تقعدي في البيت وتدرسي وتاخدي خبرات لين تسيري أكبر محترفة أنا معاك وحلو هـ الشي بس للناس الي ماتوفرت لهم فرص تعليم وأمكان في اي جامعة بس انتي ربي انعم عليك وقدر انو يكون لك مكانين مو واحد ولازم تختاري واحد منهم

وَ إجتماعياً وعُرفياً معروف أنو مايقدر يتوظف إلا يكون معاه شهادة كـ سلاح وضمان من بعد الله
زي مايقولو هذا إثبات أنو أنتي عندك كدا وكدا ولك مجال وممارسة بدا الشي [ أنا أقول كدا زي ما قالت الأخت غلا روحي على الحرمة الي حدتها الظروف ومين نفعها آخر شي غير شهادتها ]

يعني الي يصمم فوتوشوب كيف يعرفوا أنو مصمم غير بشغله والعمل الي يقدمه !

غير كدا ولا كدا أنتي لو تقولي أنها برضو مو معتمدة يعني مثلا حياتك الجاية بتعيشها برا ؟
ع الأقل لو لو اخدتي شهادة جامعة عبد العزيز تلاقي لك ان شاء الله هنا ..
ولو ع قولك الأولوية للسعوديين ماشفنا الكم الهائل من الدكاترة المختلف الجنسيات عندنا في الجامعة [ مع احترامي للجميع ]

وأسفة ع الإطالة والهرج الكثير .. وَ أستخيري أولاً وأخراً في كل شي وربي يوفقك ويرشد قلبك للإختيار الصالح السليم الي ينفعك بحياتك :) [/center]