[أحمد محمد الشاطري]

السلا م عليكم ورحمه الله وبركاته ..

مسائكم .. صباحكم /// خير

انا اول يوم ادخل المنتدى وشكلي تاخرت بالدخول أحس إن فاتني كلام كثير وامور المفروض

أني اعرفها قبل كذا وأتابعكم من اول ومن شفت عدد الصفحات 81 طارت عيوني

واتمنى من شخص يكون فاهم ومعي بنفس الخطه أ

يفيدني لاني بصراحه والله ماعرف وش السالفه وياليت يكون الشرح لشخص اول مره يدخل ولا يعرف حتى الطريقه والتقسيم والمسميات

والي ودي اعرفه من وين اشري الكتب او الملخصات علما اني من القصيم .. بريده

الشي الثاني وش اسوي هالايام فيه دوره في شي

الشي الثالث انا دارس اتنظام ومعي مواد معديه في جامعه القصيم اقدر اسوي معادله

مع العلم اني مسجل طالب مستجد هنا

الشي الثالث والاخير وش نصائحكم لطالب مايعرف راسه من رجليه هههههه على بلاطه يعني

واتمنى اتمنى اذا فيه شخص يقدر يرسم لي خطه بسيطه امشي عليها من هنا لاخر الترم

مروراً باوقات الدورات والملخصات من وين ومتى المفروض ابدا بالمذاكره وبدايه الامتحنات وهل يجب ان اسجل بدوره سنترا مدري ايش وهل من الممكن ان اعدل جدولي ؟؟وهل امامي خيارات لبدء الدراسه او خلاص انا مجبر بجدول معين او بامكاني التخصص او او او ...إلخ

وطلب اخير لو ثقلت على الي بيتبرع ويرسم لي الخطه جزاااه الله خير مقدما..

ياليت يدخل منتدى العرب المسافرون ويشوف كيفيه رسم خطه لرحله بسيطه محصوره بوقت معين بالصور والتعليق يخلون الواحد يفهم غصب ههههههههه

وعلى فكره الدراسه بالنسبه لي رحله بدايه بتذكرت طيران لجده ونهايه جميله ان شاء الله

آآآسفين على الطاله بس اتمى ان يكون هناك خطه يتبعها كل من هو بنفس حالتي ..

ترى ماعندي وقت ادخل كثير على المنتدى الله يسعدكم لا تقصرون معي ..

آخوكم // أحمد