[ميرال]

صباح الخير يا الغالين
انا كنت تاهيلي
والحين انا مستوى 3 الحمدلله

حاقول الاساتذة الي درسوني ممكن تستفيدوا منهم ان شاء الله

اخدت انقلش 101 : عند حنان ملكاوي اردنية كانت كويسة وماتحاسب على الغياب كتير وطيوبة
وكمان مهاها نازك تونسية ما تحب ولا همس في الكلاس وتاخدي اغلب المحاضة كانها حصة مطالعة
عربي 101: عند فوزية العتيبي دي الاستاذة اتعب وانا اقول اخلاق معاها حبينا العربي وتعطي بونس بالهبل وتكاليفها مرا قليل بس اهم شي ما تغيبي

تحليل احصائي 105 : عند الطاهرة السيد محمد اختباراتها نوعا ما صعبة هيا كويسة وكل شي بس كيف تطير الدرجات ما اعرف
اهم شي عندها الواجبات ويا كترهم من واجبات بس تمشي الحال لو ما لقيت احد كويس حارجعلها

البحث العلمي100 : عند نسرين خياط استغفر الله دي الاستاذة ما اقول غير حسبي الله عليها كان ظلمتني
اختباراتها صعبة تعجيزية
تجيب اسالة من تحت تحت السطور
وشرحها مو داك الزود لو لقيتوا غيرها لا تاخدوا هندها

مهارات اتصال 101: عند هيفاء عبد الفتاح مرا كويسة بس احيانا يطلعلك كوز بسيط اخر المحاضرة يعني لازم تركزوا كويس معاها ولا خلف الله على الدرجات
اسالتها احيانا ( سهلة ممتنعة ))

الترم التاني :
عربي 102 : مريم حديدي كرهت العربي والي جاب العربي
نصيبحة لا احد ياخد عندها
اسالتها مو كاد الشي وتشيب شعرالراس اسلوبها مع الطالبات ( not good )

أساسيات الحاسب الالي: سمر بابروك مرا يناس عليها وطيوبة

انقلش 102 : ريم العمري استاذة مو بس ذوق واخلاق واسلوبها جدا راقي استاذة فوق الوصف اي احد عندوا نقلش لا ياخذ الا عندها
ما تعطي بونس وتكاليف بسيطة عشان ترفعكبالمختصر ابدااااااااااااع ماشاء الله عليها

تحليل كمي 104 : سوزان أبو العينين مصرية ما شاء الله ابدددددددددداع الا يلاقيها لا يضيعها من يدوا
والله الي مادرس كمي معاها ما درس

ثقافة اسلامية101 : فاتن حلواني مرا يسعدها ربي اسالتها نص ونص وما تحاسب على الحضور والغايب

اسفة طولت عليكم
وموفقين يا رب