رد: هاااام لطلاب وطالبات الانتساب ( بخصوص الرسوم 3000 )
السلام عليكم ورحمة الله وبركاته
ااااااااااااااااااااااااااااااااااه من الجامعه دمار نفسي
سجلت اول ماتزوجت وطبعا كان والدي الله يعطيه العافيه متكفل بالرسوم لان زوجي طالب وموظف براتب 3500
عدت سنتين ونص والحمدلله كان الوالد يسدد في المستوى السادس عرفت بالاعفاء وقلت لازم اقول لوالدي عنه واني راح اقدم واكيد راح يقبلوني المهم قدمت اول الترم لا حس ولا خبر ولايردون استحيت ارجع اطلب من والدي لان عليه التزمات كل اخواني بمدارس اهليه
رحت وبعت ذهبي وسددت الحمدلله
والترم اللي راح جاني الاعفاء
لاني ماخليت ورقه الا قدمتها
قدمت ورقه تفيد ان راتب زوجي 3500
و ورقه تفيد ان عنده قروض
وعقد الاجار
وبطاقة العائله مكونه من 4 اشخاص
و ورقة تفيد ان زوجي طالب انتساب برسوم 3000 ريال
وانا الان المستوى الثامن
بس اللي يقهر ياخي الكريم مو بس المبلغ اللي نسدده
تعال شوف المعامله من الاداريات والله الذي لا اله الا هو اني اتصل على الجامعه يحولوني عليهم مايردو يخلص رصيد وهم بس يحولون
اضطر احجز واروح الجامعه تعال شوف كيف بيكلموك
وكل وحده تقول مادري والثانيه تحولك على مكتبه الثانيه بتصير زي الفرفيرة بين مكاتبهم ولا بتحصل
يعني انتساب يعني مانتسبنا الا ظروفنا ماتسمح ان نحضر ردو على التيلفونات عشان استفسارتنا
عاملونا باحترام
مو كل وحده تطنش او تقول مادري
حسبي الله ونعم الوكيل
انا الاسبوع هذا رايحه الجامعه وان شالله ارجع وراح اقولك اللي يصير
والله خلونا نشحن انفسنا قبل مانروح عارفين المعامله ومشمرين الكموم ناخذ حقوقنا
لونت لك الماسأة عشان ماتمل والله يعطيك العافيه
|