 هلا بك أختي دياري نجد...
المعادلات هذي بتكون موجودة في الاختبار ... بتكون موجودة في بداية ونهاية كتيب الاسئلة... يعني مافي داعي تحفظينها لانها راح تاخذ جهد ووقت عشان تحفظينهم.
انا انصحك انك تتدربين على المسائل الرياضية اللي يحتاج لها انك تعملين معادلة رياضية عشان تحلينها.... انا مدري كيف اشرح لك بس اقصد المسائل اللي تجي بصيغة انشائية... زي لما يقولك :
اشترت نورة قطعة من الحرير طولها 2 متر... وقطعة من القطن طولها 4 متر .... وكان سعر المتر من الحرير 12 ريال......ومجموع المبلغ الذي قامت نورة بدفعة هو 120 ريال ( على سبيل المثال) ، كم كان سعر النصف متر من القطن؟
هذي علشان تحليها.. لازم تعملي معادلة رياضية... وتخلي مثلاً الحرير = س ، القطن = ص
2 س + 4 ص = 120
24 + 4 ص = 120 ( شلنا "س" وحطينا مكانها سعر المتر للحرير)
4 ص= 120 - 24
4 ص = 96
ص = 96 \4
ص= 24 ريال للمتر
ترى السؤال كان من تأليفي 
وبرضو تعلمي كيف تضربين الارقام بشكل سريع... يعني لما يقولك 15 ضرب 23 كم يساوي؟
والالة الحاسبة غير مسموح فيها للاسف .....
بخصوص الجزء اللفظي ، انا ما اعتقد انك تقدرين تذاكرين شي لانه يعتمد على مخزونك العلمي والثقافي..... بس لازم تفهمين صيغة الاسئلة.... زي السؤال اللي جاوبتي عليه ب" الباذنجان" مثلاً ........ لانه يعتمد على الاستنتاج أكثر.
بالتوفيق لكم جميعاً
|
أهلا أخوي يعطيك العافيه
ع ردك وبارك الله فيك
الله يعين ع المعادلات بصراحه ماني فاهمتها
ودي بسؤال كثيره المعادلات بالأمتحان
لانني أفكر ماأذاكرها صعبه
الجزأ اللفظي هو التناظر اللفظي ولا غيره
ومشكور ع الدعوة