[بحر الحرية]

المشاركة الأصلية كتبت بواسطة واقعية اخوي بحر الحرية للاسف جامعتنا العزيزة مايقبلو غير سعوديين بس صدقني تحطمت كثييير كثيييير تخيل جبت معدل عالي بالقدرات والثانوي كان التراكمي بعد القدرات والتراكمي 97 يعني شي حلو مرة وماقبلوني وقتها ليش لاني غير سعودية بعدين قدمت انتساب وجبت معدل حلو بالسنة التحضيرية وكنت ابغى احول انتظام وبعد الاجراءات ورفعها لقسم الرجال كمان ابويا وداها للعميد كتبو اعتذار ولما رحت لقسم الطالبات العمادة كلهم قالولي غير سعودية مالك قبول حتى لو تجيبي معدل 5 وانا معدلي مرة عالي المطلوب طيب ليه كل هدا بجد وربي تحطيم الواحد اوقات يندم انو درس بضمير حتى بس ارجع واقول لنفسي اني عملت اللي عليا عالاقل مايؤنبني ضميري اني قصرت وهم حسبي الله عليهم بجد

أهلين أختي واقعية..
أنا ما راح أقول حسبي الله ع الجامعة لأني راح أكون ظالم، بس أقول حسبي الله على الموظف أو الموظفة أو اللي قلك مافي قبول لغير السعوديين،
يا أختي أخويه جات فترة وكان مسؤول ف عمادة قبول وتسجيل، وكان يقول لهم قبول نظامي عن طريق التقديم، يعني مشاا الله 97 معدل تراكمي لطالبة غير سعودية أنا أقلك على إني ما أعرف كم النسبة اللي وقفواا عليها العام الماضي، إنك طالبة مقبولة لو تحققت بقية الشروط، واللي قلك إنوو مافي قبول كلاموو مو صحيح، ولو كان مافي، كيف بعض الطالبات الغير سعوديات اللي مقبولات ف الجامعة ردواا ف الموضووع داا إنهم انقبلوا؟!

وحتى التحويل من انتساب لانتظام في لهم نظام، وشوفيهاا ف الرد داا:
http://www.skaau.com/vb/showpost.php...&postcount=241

أتمنى ياارب إنك تحولي للانتظام لو فيه خير ليكي، وأصلا إنتي أهم شي إنك اجتهدتي وقدمتي اللي عليكي، واللي جاوبك وهواا مو عارف وجاوبك من راسه حسبي الله عليه، لأنوو الإنسان إداا ما يعرف لازم يسكت ويقول ما أعرف، يعني والله حتى أنا ساعات أخاف أجاوب على سؤال ويكون تغير نظام أو شي كداا، فلو شكيت ولو حاجة بسيطة على طول أقول لازم تتأكد من كلامي ولازم تسأل ولازم تستفسر.. لأنوو دي حياة ومستقبل بشر زيي زيهم، زي ما أكره إنوو أحد يجاوبني بجواب مبني عليه مستقبلي وهواا ما يعرف، ف المقابل غيري ما يحب الشي داا أكيييييد..
لا تنسي حاجة مهمة:
أكبر غلط إنك تجي تسألي إنسان مو متخصص وانتي تعرفي إنوو مو متخصص، يعني غلط تجي لدكتورة ف الجامعة وتقولي لهاا في قبول لغير السعوديين؟!!
هياا غلط منهاا تجاوبك على السؤال بدون معرفة، لكن كمان انتي تتحملي جزء من الغلط إنك سألتي الشخص الغلط..

بس خليكي واثقة مدام اجتهدتي إنوو داا الخير اللي ربناا يبغاه ليكي، وكمان لو تبغي تقدمي على الحويل للانتظام مافيهاا شي لو كان مسموح دحين، أي شي ف العالم نبغاه لازم نقدم الأسباب ونجتهد فيه، ولو فيه خير ربناا راح يقرب الشي داا مننا، ولو ما فيه راح يبعده سبحانه عننا..

الله يوفقك ويسهلك يا أختي ويكتبلك كل خير ياارب؛؛