[Twix~}..]

اهنن يا عسسسله .. شووفي انا بقول رآآي وانتي شووفي ..

قبل كل شي اذا مرآآ ناويه على التحويل استخيري ربنا .. وهو الي راح يختار الي فيه الخير لكي ..

اول شي واهم شي .. انكـ تدخلي شي انتي مقتنعهـ فيه تماما عشان لو دخلتي شي وانتي حااابه رآآح تستمتعي وانتي تدرسي .. لا تفكري لا بوظااائف ولا بالمستقبل .. محد عارف ايش ربنا كاتبلنا لبكرهـ فمابالك بالمستقبل ..

كتييير بيفكرو بالووظايف ومش عارفه ايش .. ترآآ وربي اعرف ناس اتخرجت من تخصصات شي ومطلوووبة ومو بس كدا كمان تخصصات معروفة بسوق العمل بس ما اتوظفو .. وناس اتخرجت من شي مو موجود بسوق العمل واتوظفت .. <<< وربي اعرفهم معرفة شخصية .. فسبحان الله الارزاق بيد الله .. هذآ بالنسبة للوظيفه ..

تاني شي تخصص تربية خاصه تخصص مرآآ حلووو وفيلو خدمة انسانيه وخير مرآآ كتير ووظايفو مضمونه خاصه انو دحين رآآح يجمعو بين ذوي الاحتياجات الخاصة والناس العاديه بالمدارس .. بس التخصص يبلو قلب قوووي .. انا ما اقدر ادخل تخصص زي كدا ما اقدر اتحمل اشوووف احد بيعاني من شي حتى لو كانت من آخف انواع الاعاقهـ ..الي اعرفو انو التخصص بيدرس كل انواع الاعاقه في اول سنه وبعد كدا تتخصصي بشي معين وتدرسي .. بس مو متأكدهـ من دا الشي بس دا الي سمعتو انا ..

إدارة سكن ومؤسسات .. كل سميستر اتحمس للسميستر الي بعدووو عشان اشوووف ايش حيكون محتوى المواد الي حأخذهآ وربي بدون مبالغه اقلك هيا .. دا السميستر آخذت 6 مواد 4 نظرية و2 عملي العملية مرآآآآ شي .. تنسيق زهوووور كل ربوووع تعملي باقة ورد وشوفي الوان الورد وريحتو والاشكال الي بنعملها واشكالنا واحنا بنشتغل مرآآ محنا في كلاس ضحك وسولف وناسه وتصووووير يعني الكلاس يكون حماس.. التانيه تكنولوجيا ويكفي انها مع استاذهـ سلوووى دحين بدآآنا بالتصووووير كيف نعمل عيارات الشتر والـيزو للكاميرا في الصباح والليل .. كيف نستعمل نقاط القوة في التصوير .. والكلاسين الجايه راح نطبق حنجيب معانا شغلات ونصورهآآ .. بعد كدا حنبدا بالفوتو شوب .. وبعدين الفيديو وبعدين الصوت .. في النهاية تكوني عارفه كيف تعملي مونتاج كامل << خلاصة الماده .. بس طبعا ندرسها ببرامج بسيطة وسهله وعلى قدنا ومو برامج احترافيه ..

ترآ كتبتلك دي الماديتن بس عشان اوريك المتعه الي انا اشوفها بالتخصص .. يعني بجد كانك تآخذي دورهـ مو تدرسي منهج ..

تخصصنا مشكلتو انو مو معروووف بالسووووق مرآآآ .. يعني بنات راحو لمعرض الحارثي في الفترة الي كان فيها شركات ومعرف ايش فلما كانو يوقفو على الكورنرات وبيتكلمو مع الموظفين هناك كانو بيستغربو من التخصص بس لما عرفو موادنا استجابو للبنات .. يمكن دا الشي الي عامل اعاقة بالتخصص ..

رآي لكي .. ادرسي التخصصين مزبوووووووط حطي لكل تخصص سلبياتو وايجابيتو وشوفي انتي تميلي لأي واحد وقرري وبعدها استخيري ربنا .. والله يوووفقكـ ياعسسسله .. ويسلمو على كلامك الذوووق :) ..