الســـــلام عليكم
وعليكم السلام ورحمة الله وبركاته ، صح أنك قلتي العلاج الطبيعي لكن شفت ما أحد أعطى الموضوع وجه قلت أدلي بدلوي 
،،
لاهنتوا عندي كم استفسار عن العلاج الطبيعي طبعا أنا سنه تحضيري ومدخله في راسي طب واذاما كتبلي الله طب ابغى علاج طبيعي ان شالله فلازم استفسر شوي عن العلاج الطبيعي والأسئلة كالآتي :
الله يوفقكِ إن شاء الله .
العام كم وقف القبول على كلية العلوم الطبية التطبيقية >> المعدل كم ؟؟
القبول في الكلية يعتمد على الدرجة الموزونة والنسبة الخاصة ، بالنسبة للدرجة الموزونة تشمل كل المواد بدون استثناء ، أما النسبة الخاصة فهي مجموع درجات مواد (الفيزياء ، الكيمياء ، الأحياء ، اللغة الإنجليزية) يعني أولاً لابد تحقيق النسبة الخاصة وإذا حققتِ النسبة الخاصة تدخلي مفاضلة مع الطالبات على أساس الدرجة الموزونة ، طبعاً كل سنة تختلف النسب والدرجات على حسب الدفعة .
كم سنة الدراسة ؟
سنوات الدراسة : السنة التحضيرية + ثلاث سنوات بالكلية + سنة إمتياز (تطبيق) = 5 سنوات .
التخصص له كم سنه فاتح ؟ ماأبغى أسأل مضمونه ولا لا لأن الأرزاق بيد الله ولازم يكون عندنا حسن ظن بالله >> للي يسألون مضمونه الوظايف ومدري ايش ....
بدأت الدراسة في التخصص من عام 1424هـ ، والارزاق أولاً وآخراً بيد الله ، لكن التخصصات الطبية عموماً وظائفها مضمونة أكثر من غيرها لعدة أسباب أولها نقص الكادر الطبي السعودي ، وثانياً مشاريع وزارة الصحة الحالية سواءً إستحداث مستشفيات جديدة أو توسعة المستشفيات الحالية وتطويرها .
اش طبيعة المواد اللي تدرسونها ؟
بالنسبة لطبيعة المواد ما أقدر أفيدك لأن تخصصي أشعة 
الدراسة طبعا بالإنقلش ؟ صح
أكيد الدراسة في الكلية باللغة الإنجليزية .
طبيعة الوظايف وين ؟ يعني وين ممكن أشتغل غير المستشفيات
فيه فرص وظيفية غير المستشفيات زي مراكز إعادة التأهيل ، النوادي الرياضية .
هل للتخصص دراسات عليا في نفس الجامعه ولا افضل برا بالنسبه للي يبغى دراسات عليا >>ادخليها وبعدين فكري في دراسات عليا هع
لا حالياً ما فيه برنامج دراسات عليا داخل الجامعة ، لكن على ما سمعت أنهم بيفتحون برنامج دراسي يدرسه خريج قسم العلاج الطبيعي لمدة سنتين أتوقع وبعدها يصير طبيب علاج طبيعي وليس أخصائي علاج طبيعي .