[بحر الحرية]

المشاركة الأصلية كتبت بواسطة نبضات قلب مشكور على المساعده اخويا بحر الحريه بس حابه اعرف مركبي كم نسبتي الثانوي97.93والقدرات78والتحصيلي 68 وكيف اتابع بالوزارة لو ارسلت برقيه ؟؟..

أهلين أختي..
أتزكر إني مرة جاوبت ع نسبة زي نسبتك بس شكلي غلطاان ومشبه الاسم!

ع العموم:
نسبتك المركبة ف العلمي = 85.96%
نسبتك المركبة ف الاداري = 89.95%

بالنسبة لسؤالك:
الإجابة حتلاقيهاا ف اول الموضوع الأصلي، وكمان اقري رد رقم 241 ف صفحة 25.

اداا في شي مو واضح فيهااا ردي علياا هناا.. وانشاا الله حوضحلك اللي تبيغه..

الله يوفقك ويسااعدك ياارب وتلاقي امنياتك؛؛

المشاركة الأصلية كتبت بواسطة suzi آستآذ بحر يجزآك ربي كل خير ولد آختي بمدرسة مطورة عندهم الترآكمي من اولى ثآنوي نسبتوكانت 91 هل في آمل بآءذن ربي آنه يرتفع معدلو ولا خلاص بليــــــــــــــــــز اللي مجرب يرد الله يسعدكم ^^

أهلين أختي..
انشاا الله يجي كمااان غيري ويفيدك من اللي لهم تجربة..
لكن خليه يشششششششد ف السنتين الجاية، يعني مرررة سهله تاني وتالت تنوي، يعني بصراحة ع النظام الجديد داا اللي ما يجيب 99% ولا 100% فــــ

ف خليه يشد ويجيب درجة عالية، وكماان يعوض الشي داا ف القدرات والتحصيلي، وبإذن الله لو جاب مركب عاالي حيكون لوو نصيب يدخل انشاا الله..

اداا كاان الشي داا عادي تقوليه:
ايش جنسيتوو؟؟
ولو ما تبي تقوليهاا هناا ارسليلي ع الخاص..
ولو ما تبي خير شر جداا عادي

وبالنسبة ليكي انتي ايش ساار معاكي ف موضوعك؟
ارسلتيه ولا لساا؟


الله يوفقك ويوفقه ويسهل عليكم وتوصلوو وتحققو اللي تتمنوه يااارب؛؛

المشاركة الأصلية كتبت بواسطة مرعوبه الدلوعه بحر الحريه زي ماقلت سابقا انو انا ما ادوني رقم المعامله فلما رسلت صحبتي عشان تجيبو قالتلها لسلى الوزاره مارسلولنا الارقام نفسي افهم ارقام ايش لخبطت ا هيا تقصد ارقام المعاملات ولا ايه

أهلين خيتوو..
يمكن قصدهاا نفس ارقام المعاملات اللي تجي من الرياض ما وصلت لساا، يعني الجامعة ترسل المعاملة من جدة للرياض برقم، ولمن ترجع من الرياض يحولهاا برقم تاني.. يمكن كداا قصدهاا.. الله أعلم..

ع العموم انتي لا تشيلي هم خيتوو، بس تابعي دحين معاهم وتأكدي بس انوو ليكي معاملة عندهم داا أهم شي، بعدين الوصول لهاا سهل..

خلي صاحبتك تروح لهم تاني وتتأكد من كللل شي احسن..
ولو تروحي انتي بنفسك معاهااا تراا يكون افضل..

الله يوفقك ويسهل عليكي ياارب؛؛