[ستأتي أيامي]

وعليكم السلام ورحمه الله وبركاته ..

طالت الغيبة يامعالي الوزير ، إن شاء الله يكون المانع خير ؟؟

المرأة مظلومة في مجتمعنا بشكل مو معقول .
مظلومة من الأب والزوج والكل إلا من رحم ربي..


تجلس تحت الحكم المتسلط من ولادتها وحتى وفاتها ..
لا تعملي ، لاتخرجي ، لا تكلمي ،، وهو أدشر خلق الله ، وغير التفتيش في الجوال ، وغير الإهانة بالكلام والذل في المصروف وكل حاجة ، ومايقوم بحقوقها يعني محسوب عليها زوج ع الفاضي بس . .
وفوق هذا كله يروح ويتزوج عليها ،، ويقولو ليش الحريم يضايقوا ويطلبوا الطلاق !

المرأة إنسان زيها زيو ، تحس ، عندها مشاعر ، وربنا خلق فيها رغبات زي الرجل بالزبط .
لكن دائما تعامل المرأة على إنها مخلوق غريب .
على إنها ناقصة عقل .
على إنها رجة وقروشة

المرأة هيا اللي شايلة البزورة والبيت وكل حاجة ، الزوج يجيب الفلوس بس وأحيانا ما يجيبها الزوجة الموظفة هيا اللي تدفع ، وعلى باله إنو خلااااص قام بالواجب وزيادة .

نفترض صارت مشكلة مع زوجها الخطأ عليها مهما كان ،
ولو وسطت أحد يحل المشكلة بينهم أكيد حيكون رجال ، والرجال طبيعي حيوقف مع الزوج لأنه رجال زيو يعني حقها ضايع .


كثيـــــــــــــــــر أعرف حريم وبنات مظلومين لكن مالنا إلا الدعاء ..

والله لازم يكون في جمعيات خاصة لحماية حقوق الزوجات .

حكاية بس عشان أبين لك أنو المرأة مظلومة حتى في آخر مراحل عمرها .
يوم الربوع كان عندنا عزومه ، ووحدة من المعازيم عجوزة ومقعده ومرررره كان نفسها تجي لدرجة إنو قبل موعد العزومة اتصلت وخبرت أهل العزومة إنها جاية ،
ويوم العزومة عدا الليل واستغربوا انها ماجات ، لما اتصلوا عليها قالت لهم ، والله لبست بس مالقيت أحد ينزلني من البيت (لأنها مقعدة ولازم أحد يشيلها عشان بيتهم درج ) تقول أولادي كلهم راحو عني ومارضيو ينزلوني من البيت كلهم مشغولين ..!
تخيل بالله احساسها وقتها .. الله يعوضها..


ما أقول غير ,,
حسبي الله على كل الرجال الظالمين