رد: ليه اخفي مافي حياتي من سطور؟؟>>ابو رابـــــح<<??دامها يوم الوعد بتنكشف!!
الله ولا الهاجس الي مايريحني
اسهر عيوني وعناني وعنيته
احاول اخفيه مير الحزن يفظحني
متمركز في الحشا كن الحشا بيته
ياللي تعاتب غموضي لاتوضحني
ما باقي في الضمير الا تناهيته
اصافح الهم قبل انه يصافحني
واحب خشمه واردد في الخفا ليته
ليته قبل لا تزل خطاي ينصحني
ولّا يريح خفوقي من عفاريته
والغالي اللي عليه الشوق ذابحني
اقفى به الوقت ماجاني ولا جيته
ياسيد الغيد قبل اقول لك بحني
بخبرك عن كلام عنك خفيته
تدري وش اكبر خطاي الله يسامحني
قفايتي عنك وانته ماتمنيته
|