[عهد جدة]

السلام عليكم ورحمة الله وبركاته :
رحت اليوم الجامعه والحمدلله وصقعني الشمس لما قلت امين ثم دخت من مبنا لمبنى طبعا في البدايه رحت العماده قلتلهم بحول من قسم لقسم قالو روحي نفس مبنى قسمك الي هوه المبنى الثامن الاداب والعلوم الانسانيه سألت عن المكان ودلوني عليه غرفه عند الدرج في الدور الثاني لقيت وحده مداومه في الغرفه حبوبع ومتعاونه وزي العسل الله يوفقها قالتلي لازم اذا بتحولين يكون فوق ال2 يعني فهمت مافي تحويل قلتلها عن الجداول والتضبيط قالت انتو تاريخ استاذه جيهان في مبناء الجوهره شؤون الطالبات غرفه 225 رحت ضربت مشوار لها اول مره ادخل هذا المبنا لقيتها مو موجوده ساعاتها المكتبيه السبت والاثنين والثلاثاء من الساعه 11الى 12ثم رجعت لمبنا التاريخ لنفس الاستاذه الحبوبه الله يسعدها ماعرفت اسمها قلتلها طيب هيه مو موجوده اعطيني استماره اعبي اني ابغا احول من قسم لقسم قالت اوك روحي لنسرين بخاري في مبنى الجوهره برضو في غرفه 211 رحت ضربت مشوار من جديد للمبنى نفسه لقيت وحده تتكلم من طرف خشمها سالتها عن التحويل قالت معدلك ميساعد سالتها عن الجدول قالت اجباري تدرسين المواد الي انتي حاملتها وتضيفين بقدر الساعات الي عندك وانا اعطوني 12 ساعه فقظ قلت اوك ابغا سيره نبويه سوتلي جدولي الي حاملته زي ماهوه واضافت السيره النبويه وسالتها عن موعد اختباراتنا بالنسبه للي حاملينه مع السنه التحضيريه قالت ايوه بينزل في الاودس اعلان لكم لاكن المحاضرات لكم مستوى ثالث في 28_12 في نفس الوقت حقكم ورحت ابغا اسأل عن السنترا لقيت مافي موظفات ورحت اشتريت الكتب مغيرين الطبعات الا مهارات التفكير وسالت عن كتاب الخلفا الراشدون للاسف مافيه وهذي دوامتي مع الجامعه اليوم والله احكيكم ورجولي متنفخه من المشي اليوم يادوب لقيت سياره ترجعني لنص الطريق وبس ...........ز والله ينجحنا جميعا دعواتكم.