[سكووت]

وماهي الإساءة التي لا تستطيع نسيانها أو غفرانها للآخرين؟
لمن احد يمنعني من شي بسبب اني بنت مع انو شي حلال ..بالاضافة لمن اعمل غلط وطبيعي مافي بشر مايغلط وتشوف كيف الخبر ينتشر بسرعة البرق والحكم المسبق والتحليل ..
وماهو الانتقام الذي وددت لو لم تفعله وتمنيت لو غفرته لفاعله!؟
لمن كنت صغيرة بالابتدائي سادس او اول متوسط اتذكر عملت حركة بايخة لخدامتنا بداك الوقت كانت من سرلانكا طبعا مرة لمن دحين ندمااانة على معاملتي لها اغلب الوقت باسلوب مستفز طبعا دا الشي مع اني داك الوقت كنت صغيرة لكن لمن دحين احس بندم واتمنى اني اقابلها مرة تانية واعتذر ..
ولو كانت لديك فرصة لتغيير عادة واحدة سيئة في حياتك فماذا ستكون؟
العصبية بلا منازع ..انا اعصب بشكل دائم ويومي وفيني برضو عادة التجاهل يعني لو اني عالنت مثلا او اتفرج شي او اقرا ويجي احد يكلمني ما ارد ولا اطل ولا اعبر لاني اولا مااحب احد يزعجني ادري انو حركة سخيفة وان شالله اغيرها..وانا مدمنة كوفي ادمان مو طبيعي يعني 6 -12 كوب باليوم اتمنى اني اخفف منو ..
وماهي الكلمة التي ندمت على قولها يوما لأحد والديك؟
بحكم عيشتي مع ابويا الله يحفظه ياما عصبت وتنرفزت لكن بعدين ترجع المياه لمجاريها
لكن حتكلم عن جدتي الله يطول بعمرها لما فيه الخير ..انا كنت طالبة علمي وبعدين حولت ادبي بسبب ضغط من خالي وصراحة شي مريح اني حولت ..بعد اسبوع جدتي عرفت وزعلت ليه ماتشاوريني فقلت لها اصلا ايش فهمك بالدراسة ..مررة ندمت عالكلمة دي ..من دا المنبر اقولها جدتي ياقلبو احووووبك مرة حتى يوم تحشي واحنا نتفرج بالتي في اخر الليل مع صحن الفواكه فيني احبك ووحشتني ديك الايام <<قلك حتقرا دحين
ماهي الحادثة المشينة التي وقعت في طفولتك وتتمنى محوها بCtrl+Z!؟
اشياء كتير مااحب اتكلم عنها
وماهي السمعة التي يعرفها الناس عنك وتتمنى إلغاءها من ذاكرتهم؟
العصبية
وماهي السنة أو الفترة الزمنية التي تتمنى إلغاءها من ذاكرتك أنت؟
2008

وإلى أي عمر بالضبط تفضل العودة لبدء حياتك من جديد؟
لو حعيش حياتي وحبداها بالطريقة اللي تعجبني حرجع من ايام الطفولة اما لو بس مجرد رجوع عادي فخليني زي ماانا

وماذا عن الأمر الذي حلفت فيه كذباً أو تمنيت لو لم تشهد فيه زورا؟
موقف حلفت فيه كذب لمن كنت برضو بالابتدائي تحت ضغط كبير مو برغبتي ودا الشي تاثيرو لمن دحين موجود لاني اختلقت قصة واثرت على شخص جدا جدا جدا قريب مني ولمن دا الوقت مااعترفت ..ضميري يانبني ونفسي اعترف لانو التاثير اعتقد مستمر لمن دحين حتى لو بشكل بسيط ..
وماهو الذنب أو المعصية التي تتمنى محوها من سجلك السماوي؟
ياريت كل ذنوبي تتمسح مافي شي محدد ..
وماهي أسوأ طباعك التي تود التخلص منها باستعمالCtrl+Z؟
العصبية

وأخيرا ، ما هو الشيء الذي تمنيت لو عرفته بعد تخرجك من الثانوية!؟
ممممممم مافي شي معين

شكرا يا لايف ..