[Radiology]

المشاركة الأصلية كتبت بواسطة دررksa السلام عليكم ورحمة الله وبركاته <<<< داخله عرض بينكم انا سنه تحضيريه ومحتارة ايش اتخصص نفسي في البشري والاشعه ومحتارة بينهم لكن انا ناويه اذا تخرجت ان شاء الله مااشتغل في مستشفى يعني نفسي اصير معيده فلو سمحتم ابغى استفسر منكم عن المعيديه في الاشعة هل يآخذون معيدات ولا لأ؟؟ لأني سمعت انو في الاسنان والصيدلة والاشعة ماياخذون معيدات وابغى اعرف كيف نظامهم يعني على اي اساس يأخذون المعيدات ومررررررررررررررررهـ شكرا اتمنى تفيدوني؟؟ وعسى الله يوفقكم ويقويكم

يا هلا والله بأهل التحضيري ، خذوا راحتكم ترى ما نعتبركم إلا زي أولادنا وبناتنا ههههههههههه

الله يوفقكِ ويختار لك اللي فيه خير إن شاء الله .

كلية الطب تخرجكِ بعد دراسة ستة سنوات وسنة إمتياز (تطبيق) طبيبة بيكون لها وضع ومكانة إجتماعية أفضل بكثير من الأخصائيين خريجي كلية العلوم الطيبة التطبيقية ، أضفي لذلك راتب الطبيب والطبيبة الخرافي مقارنة براتب الأخصائيين والمميزات اللي لهم زي بدل السكن مثلاً 50 ألف ريال ، ولكن دراسة الطب مو سهلة ويبغالها جد وإجتهاد وجهد مضاعف .

أما تخصصات كلية العلوم الطبية التطبيقية الدراسة فيها أربع سنوات وسنة إمتياز (تطبيق) ، وكل تخصصات الكلية وتخصص الأشعة بشكل خاص الدراسه فيه أسهل بكثير مقارنة بالطب ، وتخصص الأشعة يميزه أعداد الدارسين فيه قليلة جداً يعني زي دفعتنا مثلاً فيها فقط 16 طالب و14 طالبة .

جميع تخصصات كلية العلوم الطبية التطبيقية فيما عدا تقنية المختبرات الطبية تعد جديدة ما تخرج منها إلا دفعتين تقريباً فقط ، وكل تخصصات الكلية والتخصصات الصحية بشكل عام مطلوبة ، أما عن الإعادة وسالفة إن الاسنان والصيدلة والاشعة ما ياخذون معيدات فهذه معلومة مغلوطة ، والإعادة متاحة في جميع الكليات وجميع التخصصات ، وأفضل الطلاب على مستوى الدفعة فرصتهم أكبر للإعادة ، بالنسبة على كيف يختارون المعيد أو المعيد فلها سلسلة إجراءات طويلة تكون ما بين الكلية وإدارة الجامعة ووزارتي الخدمة المدنية والمالية ، وبدري إننا نتكلم فيها ولكن فيه لجان علمية أكاديمية مشكلة من أبرز مهامها ترشيح المعيدين وإجراء الإختبارات التحريرية والمقابلات الشخصية ورفع التوصيات للجهات العليا لإتخاذ القرار .

أتمنى إني أفدتكِ ،،



صديق فيه قرقر كثير ههههههههههه