[بحر الحرية]

المشاركة الأصلية كتبت بواسطة طموحي هندسة السلام عليكم ورحمة الله وبركاته انا طالب في الصف ثالث ثانوي قسم علوم طبيعية جنسيتي:يمني من مواليد السعودية في الطائف نسبتي في الصف الثاني ثانوي 95.78% واتمنى ان تكون نسبتي في ثالث فوق 95% ابغا استفسر بالنسبة لطلاب الغير سعوديين القبول في جامعة الملك عبدالعزيز لكلية الهندسة هل يطلبون مني نسبة الثانوي فقط ولا كمان نسبة القدرات والتحصيلي * ومتى موعد التسجيل في جامعة الملك عبدالعزيز عام 1432-1433 *هل يقبلون طلاب الغير سعوديين في كلية الهندسة وانا من مدينة الطائف واريد سكن جامعي هل يقبلوني في السكن ايضاً وانا بصراحة ودي اكون مهندس اتصالات والكترونيات ولااستطيع الدراسة في بلادي بسبب الظروف المادية وثاني شي كم مدة التسجيل والقبول في الجامعة والسكن ونتائج القبول والأمور الأخرى لأني انا من الطايف وابي اعرف كم المدة التي استطيع ان ابقى في مدينة جدة

أهلين عزيزي..
لازم تحاول ترفع المعدل أكثر وأكثر..
لأنوو إداا الثانوية ما جبت فيهاا معدل عالي على سهولتهاا، متى حتجيب معدل أجل؟؟

يعني الثانوية المفروض ما تقل عن 99%..

عموما:
الثانوية والقدرات والتحصيلي كلهاا محسوبة، والنسبة المطلوبة تختلف من عام لعام..
والتقديم غالباا ما يكون في الصيف بعد نهاية فترة تقديمناا..

والفترة اللي تحتاجهااا يوم واحد من يوم يفتحواا التسجيل تعبي الاستمارة وتسلم بعض الاوراق وبس..

بالنسبة للسكن الله أعلم ما أقدر افيدك فيهاا كتير..

بس لو نسبتك ف الثانوية العامة عالية جداا يعني 98 99 % ف تقدر تقدك على سفارة بلادك، والغالب السفارات لسااا ما تعمل بنظام القدرات والتحصيلي، ويعتمدواا ع الثانوية بس..

لو دخلت الجامعة طبعاا:
في تخصص تحضيري علمي للتخصصات العلمية، والإداري والإنساني للعلوم الادارية والاجتماعية..

بحسب معدلك بعد نهاية السنة التحضيرية تدخل التخصص اللي تبغاه، يعني لو ما حققت المعدل المطلوب لكلية الهندسة، ما راح تدخل الكلية زيك زي أي طالب ما حقق المعدل المطلوب.. والعكس صحيح..

في تخصصات ممنوعة على غير السعوديين ومن ضمنهاا التخصصات الطبية..

أتمنى أكون أفدتك ولو بشي بسيط..
ولو عندك استفسار تفضل خيوو..

الله يوفقك ويسهلك ويخترلك اللي فيه الخير ياارب؛؛