السلام عليكم ماي نانا حسيت انك انسانة متعاونة وتحبين الخير للجميع عشان كذا اطلب مساعدتك
فياريت ماتبخلين علي انت والاخوات وكل من يستطيع المساعدة
ممكن بعد اذنك تشرحين لي كيف اقدر استخرج من القطعة
توبيك سينتس,المين ايديا,السوميريز
وايش يعني سبورت سينتس والاوت لين وكيف استخرجها
ولا تقولين لي روابط لاني ابغي افهم من شرحك ومابقيت رابط الاوشفته ومااستوعبت الافكار
وخصوصا انا قاعدة اقرا الريدينق واترجم كل كلمةوماقدرت افهم الاشياء السابقة والحين قريت في ردود ام حمدان انو مو صح انو نترجم كل كلمة لان الاختيار تكون القطعة خارجية وحسيت اني ضيعت وقتي
وفي النهاية ادعو لك ولجميع الاخوات المتعاونات في القسم
وياريت ماتهملوا موضوعي واذا كانت ماي نانا مشغولة ياريت ترد الملاك الابيض او مس جودي اوكل من يحب المساعدة
|
الاخت توفي انا توني اشوف مشاركتك بالنسبة لسؤالك عزيزتي
انا في الشرح مو مرة بس هذي مشاركة لاختي ماي نانا وتكلمت فيها عن التوبيك سينتس والمين ايديا بوعدها شرح للسومري والجمل الخاتمة كاضافة على مشاركتها مني اتمنى تفيدك :
المهم التوبيك =كم كلمه تشمل كل مافي القطعه يعني تصلح عنوان
المين ايديا =جمله اساسيه وغالبا تكون في بداية القطعه أو البراقراف اللي السؤال عليه وهيا زي ماقالوا البنات مافيها أمثله وشروحات وكلام كثير يعني زبدة الموضوع وممكن تكون بالنص أو بالنهايه ( المهم تفهمي القطعه)وإذا مافهمتيها سددي وقاربي شوفي كل الجمل الموجوده عندك واستبعدي اللي فيها أمثله وشروحات كثيره وشوفي اللي تحسي انها تصلح تكون مين ايديا
وبالنسبة للسومري هو عبارة عن تلخيص للقطعة في عدة اسطر وطبعا في هذي الحالة السومري راح يكون جمل من تكوينك ولكن احرصي انها تحمل محتوى القطعه
اما الجمل الداعمة فهي الجمل اللي تكون بعد الجمل الرئيسية وتحمل تفاصيل اكثر عن الموضوع
وتحتوي عادة على احداث ووقائع او امثلة او خبرة شخصية او اراء شخصية
وهي بذلك تدعم الجملة الرئيسية ولذلك سميت بالجمل الداعمة.
وبعدين عندنا جملة الختام وهذي عادة تيجي في اخر البارغراف وتحتوي على توصيات واقتراحات
لحل مشكلة الموضوع المطروح او اعادة جملة الموضوع اللي جت في البداية كتذكير
او احيانا تحتوي على تنبؤات وتوقعات للحلول للموضوع .
يعني بالمختصر المفيد الجملة الخاتمة تحمل في طياتها ملخص الموضوع .
والفائدة .
وبس اتمنى اكون افدتك والله يوفقك ولاتنسينا من صالح دعائك .