طبعا انا لي فتره افكر في هذا الموضوع بس كان يحتاج لبعض التعديلات وجات الاختبارات وانشغلت>>>تحكي قصه حياتها
والحمدلله عدلته واتمنى اني القى تفاعل من الجميع
الموضوع باختصار راح يكون عن بعض المشاكل الزوجية ونشوف طريقه كل شخص في حلها
التعرف على طريق تفكير الشباب والبنات والتقليل من المشاكل الزوجية
راح احط بعض المشاكل اللي تقريبا تواجهنا في الحياة الزوجية وراح اضع للبنات عدة مشاكل وكذلك للشباب وابغاكم تتناقشوا في هذه المشاكل وكيف راح نعالجها اذا تعرضنا لها
للشباب 
>>>>>
1)ماهو افضل فرق مناسب في العمر يكون بينك وبين زوجنك ؟ ولماذا؟
2)اذا كنت موظف وكان عندك شغل خارج مدينتك وزوجتك حامل في الشهر التاسع واهلها مو في نفس المدينه اللي انتو عايشين فيها ولا اهلك مع العلم انو هذا الشغل لو انجزته راح يزيدوا من راتبك و راح يعطوك وظيفه مناسبه اكثر من الاولى . كيف راح تتصرف؟
3)اذا كان راتبك بسيط جدا وطلبت زوجتك منك مبلغ كبير مع العلم انها اذا طلبت منها أي طلب تنفذوا لك .كيف راح تحل هذه المشكله؟
4)اذا كنت رومنسي و زوجتك غير رومنسيه كيف راح تتصرف معها هل راح تتحمل التعايش معها او انك ستطلقها او تغيرها مثلك واذا راح تغيرها مثلك كيف راح تغيرها؟
5)اذا زوجتك صارحتك بعد الزواج بانه كان لها علاقه مع شخص وكانت تكلمه وترسل له رسائل بس مايعرف شكلها هل ستتغير نظرتك لها؟
6)اذا جاءك شخص وقال لك انو يعرف زوجتك وعنده صور لها وكانو يحبوا بعض بس ماتزوجوا لانو ابوها رفض لانو مو من قبيلتهم .كيف راح تتصرف؟ مع العلم انو كلامه صحيح
7)اذا كانوا اهل زوجتك يتدخلوا في حياتك زي مثلا يقولوا لزوجتك ادا زوجك زعلك لاترضي الا بالذهب او مبلغ كبير او يقولوا لها لاتعطي زوجك وجه كيف راح تتصرف؟
8)اذا كانت زوجتك موظفه وعندك مولود وزوجتك تبغى تشتغل وبتترك المولود في البيت هل راح توافق لها وتشوف انو الشغاله راح تكون الام الثانيه له؟
9)في نظرك ماهي الصفه التي تتمنى انو تتحلى بها زوجتك ولماذا؟
10) في نظرك ماهي الصفه التي لاتتمنى ان تتحلى بها زوجتك ولماذا؟
11)ايش اكثر تصرف راح تغضب منه اذا فعلته زوجتك؟
12)اذا كانت زوجتك حركاتها فيها دلع هل تشوف انو هذه الصفه من مكملات الزوجه ؟
13)هل الابناء في نظرك سبب للتقليل من المشاكل الزوجيه ؟ولماذا؟
14)هل الهدايا بين الزوجين سبب من اسباب السعاده الزوجيه؟ولماذا؟
15)ماهي افضل هديه في نظرك تقدمها لزوجتك؟ وليش اخترت هذه الهدية؟
16)اذا كانت زوجتك متميزة في كل عمل تعمله ومثقفه واذكى منك والكل يمدحها هل ستشعر بالغيرة علما بأنها تود اكمال دراستها وانت تعلم في قرار نفسك بأنها ستتفوق عليك في دراستها؟
للبنات 
>>>>>
1)ماهو افضل فرق مناسب في العمر يكون بينك وبين زوجك؟ ولماذا؟
2)اذا كان زوجك موظف وكان عنده شغل خارج المدينهوانتي حامل في الشهر التاسع وهذا الشغل راح يزيدمن راتبه ويتوظف وظيفه مناسبه وكان اهل زوجك معاكي في المدينه بس العلاقه بينكم مو مره قويه ايش راح تسوي وقتها؟
3)اذا كان راتب زوجك بسيط وكنت محتاجه مبلغ عشان تشتري فستان لزواج اخوكي وقالك زوجك ماعندي هذا المبلغ كيف راح تتصرفي ؟
4)اذا كنتي رومنسيه وزوجك غير رومنسي هل راح هل راح تتحملي التعايش معه او تطلبي الطلاق او تغيريه مثلك واذا راح تغيريه كيف راح تغيريه؟
5)اذا زوجك صارحك انو كان يعرف بنات وكان يكلمهم وبعضهم ارسلوا له صورهم هل راح تتغير نظرتك له؟
6)اذا اكتشفتي ان زوجك يرسل رسائل لصحبتك المقربه لكي وهي كمان ترسل له رسائل كيف راح تتصرفي؟
7)اذا كنتي موظفه وراتبك احسن من زوجك وكل شوي يطلب منك مبلغ وبعض الاحيان يقولك اصرفي على البيت وعلى الاولاد وهو مايدفع شي هل بترضي بهذا الوضع وكيف راح تتصرفي؟
8)في نظرك ماهب الصفه التي تتمني ان يتحلى بها زوجك ؟ ولماذا؟
9)في نظرك ماهي الصفه التي لاتتمني ان يتحلى بها زوجك ؟ولماذا؟
10)اذا اهل زوجك يتدخلوا في حياتك يعني يقولوا لزوجك ليش ماتتزوج على زوجتك احنا نبغى نشوف عيالك طبعا اذا كنتي ماتنجبي او يقولوا لها لاتجيب لها كل اللي تطلبوا منك كيف راح تتصرفي؟
11)ايش اكثر تصرف راح تغضبي منك اذا فعله زوجك؟
12) هل الابناء في نظرك سبب للتقليل من المشاكل الزوجيه ؟ لماذا؟
13)هل الهدايا بين الزوجين سبب من اسباب السعاده الزوجيه ؟ ولماذا؟
14) ماهي افضل هدية في نظرك تقدميها لزوجك؟ وليش اخترتي هذه الهدية؟