السلام عليكم ورحمة الله وبركاته
العيد عيد الناس مالي انا عيـــد * والله ماهو عيد وامي بعيــــــــــده
في شوفها رغبه مع بوسة الايد * بس الضروف الخاينه والعنيـــــده
تجبر شديد الباس لوقلبه حديـــد * على نزول الدمع في صبح عيـده
مع شجن وبشوق واحزان بيزيـد * لبست انا كل الملابس جديــــــده
دعوات كل الناس ترديد ترديــد * عسا الفرح في كل عيد(ن)تزيده
اجامل الفُرّاح وآنا اللي الوحيــد * في وسط قلبه كن طعنة حديـــــده
احلف برب الكون عالشي الأكيد* ما صار في دنياي لمّي نديــــــده
العيد عيد الناس مالي انا عيــــد * والله ماهو عيد وامي بعيـــــــــده
وسلامتكم
وكل عام وانتم بخير وبصحه وسلامه
ومن العايين الفايزين