[فراشة جدة]

المشاركة الأصلية كتبت بواسطة إحساس ناجح صفحة 70 راح أضرب مثال على الكلام كامل لنفترض إن يارا عندها شركة تبيع فساتين وفي فترة من الزمن ارتفع سعر الفستان من 100 ريال إلى 300 ريال والسبب إرتفاع سعر النسيج والحرير في هذه الحالة المنتج ( يارا ) راح ترفع السعر والمستهلكون ( هدى و راما ) راح يشوفو موديل أقل درجة ( فستان تقليد ) كدا يصير يارا راح تخسر زابئنها كتير لكنها مجبورة ترفع السعر علشان تربح أكتر وفي نفس الوقت ماراح تستفيد هدى وراما من الفساتين التقليد لأنها موديلات قديمة وراح تخرب بسرعة ويصير كدا ( يارا / ورما وهدى ) كلهم خسرانين في هدي اللحظة تتدخل الحكومة ( لتزويد سوق الفساتين والأقمشة والحرير وجميع أنواع الخيوط ) علشان السوق في الدولة يصير مستقر كيف تتدخل الحكومة ؟؟؟؟ تتدخل بتقديم إعانة ( يعني يعطوا يارا مثلا 50000 لمدة خمس سنوات ويكون عن طريق وزارة التجارة بجدة ) تتدخل بتقديم دعم حكومي ( يكون بمقدار مليار لجميع أنواع الخيوط في المملكة من خيوط مستوردة من الخارج ) بعد التدخل يصير يارا بدل ماكانت تبيع الفستان ب100 تبيعو ب60 ريال السبب لأنها حصلت دعم وصار عندها راس مال كبير وحتى لو خسرت تقدر تعوض المرة القادمة في الكتاب يقول إنتقل المنحنى إلى اليمين ( يعني فيه ربح ) في الكتاب يقول مقدار استفادة المستهلك من الدعم ( يعني راما وهدى كانو يدفعوا 100 وبعد التدخل يدفعوا 60 ) يعني الثمن القديم ناقص الثمن الجديد في الكتاب يقول الثمن الذي يحصل عليه المنتج ( يعني السعر اللي تدفعو راما وهدى زايد الدعم اللي حصلت عليه يارا من الحكومة بوحدة واحدة ( نسبة واحدة )) في الكتاب يقول مقدار استفادة المنتج من الدعم يعني الفرق بين السعرين 100 و60 هو مكسب يارا هذي صفحة 70 شوي أنزلك صفحة 71 تكرمي وعلى فكرة أنا ماوصلت مع الدكتور في هذا الدرس لكني فهمت الحمد الله أخوك / منتسب وللعلم ملتزم

يسعدك ربي

مشكوووور والله

دحين فهمتها وياريت لو تكمل التانية

يعطيك الف عافية