السلام عليكم جميعا ,,,,
ممكن تجاوبوني على تساؤلاتي بخصوص التقديم في الجامعه ....
1_ اذا قدمت على الجامعه كم لازم تكون نسبتي في ثالث الثانوي مع العلم بأني (أدبي)؟؟؟ ....
وكم النسبه للقدرات ...(التحصيلي)؟؟؟
طبعاا النسبة تختلف من سنة لسنة، بس كل ما تجيبي أعلى كل ما تضمني نفسك تكوني معاناا ف الجامعة إنشاا الله..
شدي حيلك واجتهدي وإنشاا الله راح تضمني دخولك يااارب..
2_ انا حابه قسم القانون ... ادخل كلية الاقتصاد والاداره وبعدين اختار قسم القانون ؟؟؟
وكيف بتكون اول سنه ؟؟؟ وكيف بتقل لقسم القانون ؟؟؟؟
أوكي.. حختصرلك ولو شي تبغي اشرحلك هواا اكتر قولي عليه:
ازاا خلصتي الثانوية انشاا الله ودخلتي الجامعة، راح تدخلي سنة تحضيرية مسار علوم إدارية وإنسانية، طبعاا السنة دي فاونديشن موادهاا رياضيات وانقليزي مستويين واحصاء وثقافة اسلامية ومهارات تفكير ومهارات اتصال..
طبعاا لازم تحطي ف بالك دخولك لاي تخصص ف الجامعة راح يكون بناء على معدلك ف السنة التحضيرية، قسم القانون غالبا عند البنات يكون من معدل 4 وفوق من 5، لو ما جبتي المعدل المطلوب لأي تخصص مو بس القانون، ما راح تدخلي ف اللي تبغيه، ينزلوكي لتخصص قريب من معدلك..
يعني باختصاار: لازم تجيبي معدل ف التحضيري، وسهلة جداا، يعني تقدري تجيبي فيهاا من 4.5 واكتر بكتير كمااان، لأنهاا سهلة..
بعداا طبعاا نهاية التحضيري راح يكون في فرز بحسب المعدل وتدخلواا الكليات، كمان دخولك الكلية بناء على معدلك وبعدهاا التخصص ونفس الكلام على المعدل، والقانون لحد الآن من ضمن تخصصات الاقتصاد والادراة..
واداا دخلتي التخصص ف خلاص ما عاد يبقالك الا 3 سنوات (6 اترام) وتكملي الباكالوريوس في القانون..
3_ ممكن تعددولي السكنات تكون قرب الجامعه (جامعة الملك عبد العزيز)...؟؟؟ وتتوفر معها
المواصلات....؟؟ وبكم اجاراتهااااا؟؟؟
للأسف ما حقدر أفيدك..
4_ وكيف الاساتذه وشرحهم ؟؟؟ (وسمعت انهم اجنبيات ويدرسوا بالانجليزيه ؟؟ صح هالمعلومه ؟
)
لا تحطي ف بالك كيف الأساتذة وشرحهم.. لأنوو تخصص القانون تخصص نظري، هياا مجرد مسهلة للمادة عليكي لا اكتر، باجتهادك انتي راح توصلي للي تبغيه..
مع الف شكــــــــــــــــــــر
وبالتوفيق .. في حفظ الله ورعايـــــــــــــــــتـــه