[فهد الجدعاني]

المشاركة الأصلية كتبت بواسطة بحر الحرية أهلا أخ فهد.. شوف بما إنك اتحادي ما عليك خوف، راح تفهمني على طول مثالك اللي تقول عليه هذا رأي لك، يعني ما حكمت فيه عليها بسوء، ولا دخلت في نيتها، يعني عشان أوضح لك أكثر خليني أبعد عن مسألة البنات بمثل قريب منها: لو في يوم من الأيام شفت رجل مربي لحيته، وبعد فترة شفته مرة ثانية لكن شفته حليق، وافترض إنك انتا مؤمن بوجوب تربية اللحية، فقلت عن هذا الرجال إنه خالف الشرع، هنا هذا راح يكون رأي لك، لأنه إذا انتاا تشوفه مخالف يمكن هواا مؤمن بالرأي المخالف. لكن لو جيت وقلت عليه هذا ما حلق لحيته إلا عشان مثلا بزنس ولا من هذا الكلام، هنا راح تكون قاعد تحكم على نيات الناس بالسوء، وهذا الشي انتاا المفروض عليك ما تقرب منه. ولو رجعت تابعت النقاش في أول بداية لردي، في موضوع عنوانه أعتقد متحجبات ولم نسلم حتى عند إشارات المرور، قلت من الغلط نحكم على البنت المتعطرة أو اللي تكشف وجهها بالسوء، بحيث إننا لو شفناهاا مثلا نجي ونقول هذي ما جات المول إلا عشان تبغى ..........!! لأنه جات بعض الردود وتقول اللي تكشف مثلا أو تتعطر ويطاردوها الشباب فهذي تستاهل ما يجيها!! وهنا برأيي مو من حقناا نقول كذا. لكن كون إنك تشوفها على غلط، فهذا رأي لك، زي ما تشوف أي إنسان يغلط في الحياة وتقول فلان غلطان،لكن ما تجي وتقول عشان فلان غلطان إذا يستاهل نآذيه!! أتمنى أكون وضحتلك الصورة عزيزي.. بالتوفيق لك يارب؛؛

عزيزي بحر
ظهر لي من خلال ردك أنني أتفقا معك في أغلب الموضوع لكن إذا سمحت لي بسؤال واحد لكي تتضح لي الصورة فقط لاغير وهو :
إتضح لي سلوك خاطئ من شخص معين وقمت بنصحه بإسلوب مهذب
تؤيد أم تعارض؟
شاكر لك أسلوبك الأكثر من رائع في الحور وأعتذر إن كان عندي سوء فهم للموضوع
دمت بود أخي العزيز