[no ip]

السلام عليكم ورحمة الله وبركاته

كيف حال الجميع ؟

حبيت انكم تفيدوني قدر الامكان ..

انا اشوف ان الاغلبيه من المنتسبين حاطين جداولهم الدراسيه بتواقيعهم

مع العلم اني منتسب من سنه ونص تقريبا

درست الترم الاول وما رسبت اﻻ في ماده وحده

والترم الثاني والثالث مادرستهم وماحضرت وﻻ حتى ارسلت لهم اني مابحضر

فاللي ابغى اوصل له اني ألحين ودي اكمل عايدي واختبر واواصل في الجامعه

لكن متخوف من التسديد لأني ما ادري كيف بيختبروني في الماده اللي رسبت فيها

واخاف اسدد الرسوم ويختبروني في المواد اللي قد اختبرت فيها اصلا !!

لأني انا اختبرت في هالمواد وانتهيت وهي :

مهارات الاتصال
لغة انجليزية 1(آداب واقتصاد)
تنمية مهارات التفكير
الا حصاء للتخصصات النظرية < راسب فيها

..

فأخاف اسدد ثم اروح اختبر احصلهم حاطين لي المواد اللي اختبرتها ..

يارب انكم فهمتوني ..

..

واحب اقولكم اني كل ما اضغط على الجدول الدراسي تطلع بياناتي بس !!

يعني يطلع رقمي واسمي وهالامور كني ضاغط على معلومات عامه !!

..

وكاتبين غير مسدد "ﻷني باقي ماسددت بسبب خوفي من الامر اللي قلت لكم"

فهل لو سددت بيعطوني جدول اختباراتي "موادي انا" ؟

إذا عندكم علم ياليت تفيدوني ,, بخصوص المواد اللي بيختبروني فيها

كيف اعرفها ؟

ترى راحت ايامي بسبب هالامور ..

واتمنى محد يقول رح القبول والتسجيل لأن بالقوه تحصل واحد تسأله

من قوة الزحمه اللي عليه وفجأه يقولك رح فك قيد .. ماعندهم الظاهر اﻻ هالكلمه


ومضه : ارجو الرد بسرعه لأن وقت السداد كم يوم وينتهي ..