[دعدعيه]

بسم الله الرحمن الرحيم

صراحه يا اخوان معاناة .. مو منطق ان الجامعه تعتمد كتب جديدة ولا توفرها للطلاب ! المفروض إن الجامعه تقدر ظروف الطلاب بحيث توفر أكثر من دار للنشر .! وتوفر علينا معاناة السوق السوداء اللي تحصل خارج أسوار الجامعة .!
طلاب الجامعه ليسوا فقط في مدينة جده , بل يوجد طلاب حتى في كل مكان من المملكة وكلهم اغتنموا حكاية مواصلة الدراسة بنظام الانتساب .
الجامعه عاقبتنا كثيراً ومازالت تجلدنا ولم تأخذنا بعين الاعتبار , لم نطالب بالكثير في حقيقة الأمر , بل هي مجرد طلبات عامه وحقوق من المفترض بأن الجامعه توفرها لنا , ولعل يكون أبسطها الكتب ياخي
ياخي ماقلنا خل الدراسه مجاناً , ولا قلنا خل الكتب مجاناً , لكن ياخي وفرها لنا بطريقة شريفه لا يكون فيها استغلال لنا .. لأن ياخي حرام والله شي يرفع الضغط
اجل نتصل على المكتبات اللي بجده , يبيعون الكتب المنسوخه بـ عشر أضعاف؟ ليه يعني
احنا ندفع رسوم ونتحمل الشيء الكثير على شان الواحد يواصل تعليمه لكن عاد حكاية إنك تبيعني كتاب بـ 100 ريال وهو منسوخ؟ وليته موجود ومتوفر بكل مدن السعوديه ., ولكن الادهى والأمر إنه بس في جده فقط , ويكلفك النقل لا يقل عن 100 ريال
.
.
كلي رجاءً من الاخوه الموجودين في الرياض التعاون بهالخصوص وياليت واحد يتكرم علينا منكم بوضع الكتب لجميع المستويات بأي مكتبه , على أن يشرط على راعي المكتبه إنه ياخذ فقط حق الطباعه لا أقل ولا أكثر , وراعي المكتبه هو المستفيد في النهاية وان ما حصل خله يبيعها باللي يبي .. أقلها وفرتوا علينا حكاية الدي اتش ال
تعودنا منكم التعاون , ياليت تساعدوننا بهالخصوص , وشكراً


تحياتي