[بحر الحرية]

أهلين أختي..
دايما أهم كلمة أدور عليها:

"نفسي اتخصص قانون"

"تكفون افيدوني لان القسم عاجبني"

شي انتي عاجبك ومقتنعة فيه، توكلي على الله وادخليه، لا تاخدي بكلام أي أحد، القسم زيه زي أي قسم ف الكون، ومن أرقى الأقسام طبعا، فيه سهولة وفيه صعوبة زيه زي أي قسم ف العالم..

المهم لمن تدخليه يكون عندك صبر ع الشي اللي تلاقيه، يحتاج للحفظ والفهم مع بعض، القسم دحين لكم ف بداياته، وإنشاا الله المستقبل راح يكون افضل واحسن بكتير من الآن..
وطبعا الشي داا على يدكم انتواا بإذن الله..

طبعا يحتاج منك تجيبي معدل عالي ف التحضيري، والتحضيرية جداا سهلة، بس يبغالك تجتهدي فيها كتير..
المعدل غالبا يكون من 4 وفوق.. وكل ما تجيبي فوق 4 كل ما تضمني تكوني مع المقبولات، لأنه قسم عليه منافسة كبيرة بين البنات ع المقاعد المحدودة فيه لكم..

سهولة وصعوبة المواد زي ما قلتلك جداا طبيعية، لكن فيها اعتماد على الحفظ والفهم مع بعض..

وإداا داخلته عن حب وراغبة فيه، إنشاا الله مافي أي صعوبة ولا ملل، الملل للي تدخل ومهي عارفة ايش تبغى من حياتهاا..

عندك باقي وقت تفكري وتطلعي ع القسم اكتر، اطلعبي على مواضيع القسم هنا، ولو عندك أي استفسار تاني إنشاا الله ما حنقصر عليكي..

الله يوفقك ويسهل عليكي ياارب ويخترلك اللي فيه الخير؛؛