[بسنت عبد المجيد]

بالنسبة لتكلفة الفرصة البديلة انتى عايزة تعرفى معانها ولا ازاى بنجيب نسبتها بالارقام
وبالنسبة للsurplus & shortage
حشرحاللك بطريقة سهلة
بصى ياستى
QD معناها كمية الطلب
QS معناها كمية العرض
طيب
لو مامتك طلبت منك عدد 5 اكياس سكر ... تبقى دى ايه (كمية المطلوب) QD صح
طيب رحتى انتى السوبر ماركت ولاقيتى مافيش الا 3 اكياس .. يبقى كمية المعروض QS اقل من الكمية اللى انتى طالبها..
حتروحى لمامتك البيت تقوللها السوبر ماركت ده عنده عجز فى السكر
يعنى لما كمية المطلوب اكبر من كمية المعروض يبقى عجز
QS<QD يبقى shortage

طيب لو رحتى ولقيتى السوبر ماركت كله بيبيع سكر
يبقى كمية المعروض اكتر بكتير من كمية المطلوب
يبقى عندك فائض
QS> QD يبقى عندك فائض surplus